ക്രിസ്ത്യാനികളായി ജീവിക്കാം
വിനോദം തിരഞ്ഞെടുക്കുമ്പോൾ ജ്ഞാനമുള്ളവരായിരിക്കുക
വിനോദം ജ്ഞാനത്തോടെ തിരഞ്ഞെടുക്കേണ്ടത് എന്തുകൊണ്ട്? നമ്മൾ ഏതെങ്കിലും സിനിമ കാണാനോ പാട്ടു കേൾക്കാനോ വെബ്സൈറ്റ് സന്ദർശിക്കാനോ പുസ്തകം വായിക്കാനോ വീഡിയോ ഗെയിം കളിക്കാനോ തീരുമാനിക്കുമ്പോൾ, ശരിക്കും നമ്മൾ തീരുമാനിക്കുന്നത് നമ്മുടെ മനസ്സ് ഏതു തരത്തിലുള്ള കാര്യങ്ങൾകൊണ്ട് നിറയ്ക്കണം എന്നാണ്. നമ്മൾ തിരഞ്ഞെടുക്കുന്ന വിനോദം നമ്മുടെ പെരുമാറ്റത്തെ സ്വാധീനിക്കും. ഇന്നു ലഭ്യമായിരിക്കുന്ന വിനോദങ്ങളിൽ കൂടുതലും യഹോവ കുറ്റം വിധിക്കുന്ന കാര്യങ്ങൾ ഉൾപ്പെടുന്നതാണ്. (സങ്ക 11:5; ഗല 5:19-21) അതുകൊണ്ട് യഹോവയെ മഹത്ത്വപ്പെടുത്തുന്ന കാര്യങ്ങളെക്കുറിച്ച് ചിന്തിക്കാൻ ബൈബിൾ നമ്മളെ പ്രോത്സാഹിപ്പിക്കുന്നു.—ഫിലി 4:8.
ഏതു വിനോദം തിരഞ്ഞെടുക്കണം? എന്ന വീഡിയോ കണ്ടിട്ട് പിൻവരുന്ന ചോദ്യങ്ങൾക്ക് ഉത്തരം കണ്ടെത്തുക:
-
പുരാതന റോമിലെ പോരാട്ടക്കളികൾക്ക് ഇക്കാലത്തെ ചില വിനോദങ്ങളുമായി എന്തു സമാനതയുണ്ട്?
-
നല്ല വിനോദം തിരഞ്ഞെടുക്കാൻ സഹോദരങ്ങൾക്ക് എങ്ങനെ ചെറുപ്പക്കാരെ സഹായിക്കാം?
-
ഒരു വിനോദം വേണോ വേണ്ടയോ എന്നു തീരുമാനിക്കാൻ റോമർ 12:9 സഹായിക്കുന്നത് എങ്ങനെ?
-
നിങ്ങളുടെ നാട്ടിൽ നിങ്ങൾക്ക് ഏർപ്പെടാൻ കഴിയുന്ന ചില നല്ല വിനോദങ്ങൾ ഏതൊക്കെയാണ്?