എന്തുകൊണ്ട്‌ പ്രധാനം: ‘ജീവജലം സൗജന്യ​മാ​യി വാങ്ങാൻ’ അഭിഷി​ക്ത​രും വേറെ ആടുകളും എല്ലാ തരം ആളുക​ളെ​യും ക്ഷണിക്കു​ന്നു. (വെളി 22:17) അനുസ​ര​ണ​മുള്ള മനുഷ്യ​രെ പാപത്തിൽനി​ന്നും മരണത്തിൽനി​ന്നും രക്ഷിക്കാ​നുള്ള ദൈവ​ത്തി​ന്റെ എല്ലാ കരുത​ലു​ക​ളെ​യും ആണ്‌ ആലങ്കാ​രി​ക​മായ ജലം പ്രതീ​ക​പ്പെ​ടു​ത്തു​ന്നത്‌. വ്യത്യ​സ്‌ത​മായ ആചാര​ങ്ങ​ളും മതവി​ശ്വാ​സ​ങ്ങ​ളും ഉള്ള ആളുകളെ സഹായി​ക്കു​ന്ന​തിന്‌, ഓരോ വ്യക്തി​ക്കും താത്‌പ​ര്യം തോന്നുന്ന വിധത്തിൽ നമ്മൾ ‘എന്നും നിലനിൽക്കുന്ന സന്തോ​ഷ​വാർത്ത’ അറിയി​ക്കണം.​—വെളി 14:6.

എങ്ങനെ ചെയ്യാം:

• നിങ്ങളു​ടെ പ്രദേ​ശത്തെ ആളുകൾക്ക്‌ ഇഷ്ടപ്പെ​ടുന്ന ഒരു വിഷയ​വും തിരു​വെ​ഴു​ത്തും തിര​ഞ്ഞെ​ടു​ക്കുക. സംഭാ​ഷ​ണ​ത്തി​നുള്ള ഒരു മാതൃക നമുക്കു തിര​ഞ്ഞെ​ടു​ക്കാം, അല്ലെങ്കിൽ നിങ്ങൾ ഉപയോ​ഗിച്ച്‌ വിജയം കണ്ട മറ്റൊരു അവതരണം ഉപയോ​ഗി​ക്കാം. ഏതു വിഷയ​ങ്ങ​ളും തിരു​വെ​ഴു​ത്തു​ക​ളും ആണ്‌ ആളുകൾ കൂടുതൽ ശ്രദ്ധി​ച്ചി​ട്ടു​ള്ളത്‌? ആളുകൾ ഇപ്പോൾ ചിന്തി​ക്കുന്ന എന്തെങ്കി​ലും ആനുകാ​ലി​ക​വാർത്ത​യു​ണ്ടോ? ഒരു പുരു​ഷന്‌ എന്തായി​രി​ക്കും ഇഷ്ടപ്പെ​ടുക, ഒരു സ്‌ത്രീ​ക്കോ?

• നിങ്ങളു​ടെ പ്രദേ​ശത്ത്‌ സാധാ​ര​ണ​മാ​യി ഉപയോ​ഗി​ക്കുന്ന അഭിവാ​ദ​ന​വാ​ക്കു​ക​ളും രീതി​ക​ളും സംഭാ​ഷ​ണ​ത്തിൽ ഉൾപ്പെ​ടു​ത്തുക.​—2കൊ 6:3, 4

• താത്‌പ​ര്യം കാണി​ക്കുന്ന ആളുകൾക്കു കൊടു​ക്കു​ന്ന​തിന്‌, പഠിപ്പി​ക്കാ​നുള്ള ഉപകര​ണങ്ങൾ എന്ന ഭാഗത്തെ പ്രസി​ദ്ധീ​ക​ര​ണ​ങ്ങ​ളും വീഡി​യോ​ക​ളും ആയി പരിച​യ​ത്തി​ലാ​കുക

• നിങ്ങളു​ടെ പ്രദേ​ശത്ത്‌ കാണാ​നി​ട​യുള്ള അന്യഭാ​ഷ​ക്കാ​രായ ആളുക​ളു​ടെ ഭാഷയി​ലുള്ള പ്രസി​ദ്ധീ​ക​ര​ണ​ങ്ങ​ളും വീഡി​യോ​ക​ളും ഡൗൺലോഡ്‌ ചെയ്യുക

• വീട്ടു​കാ​രന്റെ സാഹച​ര്യ​ത്തിന്‌ അനുസ​രിച്ച്‌ വിഷയ​ത്തിൽ മാറ്റം വരുത്തുക. (1കൊ 9:19-23) ഉദാഹരണത്തിന്‌, വീട്ടിൽ ആരെങ്കി​ലും മരിച്ചു​പോ​യെന്നു മനസ്സി​ലാ​യാൽ നിങ്ങൾ എന്തു പറയും?

വീഡിയോ കാണുക, എന്നിട്ട്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തുക:

• വീട്ടു​കാ​ര​നോട്‌ ഏതു വിഷയം സംസാ​രി​ക്കാ​നാ​ണു പ്രചാ​രകൻ തുടങ്ങി​യത്‌?

• വീട്ടു​കാ​രന്റെ ജീവി​ത​ത്തിൽ എന്താണു സംഭവി​ച്ചു​കൊ​ണ്ടി​രു​ന്നത്‌?

• ഈ സാഹച​ര്യ​ത്തി​നു പറ്റിയ തിരു​വെ​ഴുത്ത്‌ ഏതായി​രു​ന്നു, എന്തു​കൊണ്ട്‌?

• പ്രദേ​ശത്ത്‌ ആളുകൾക്കു ചേരുന്ന വിധത്തിൽ നിങ്ങൾ എങ്ങനെ​യാ​ണു സംഭാ​ഷ​ണ​ത്തിൽ മാറ്റം വരുത്തു​ന്നത്‌?