ക്രിസ്ത്യാനികളായി ജീവിക്കാം
ഞാൻ ആരെ ക്ഷണിക്കും?
ഓരോ വർഷവും നമ്മുടെ പ്രദേശത്തുള്ള ആളുകളെ സ്മാരകത്തിനു ക്ഷണിക്കാൻ നമ്മൾ ഒരു പ്രത്യേകശ്രമം നടത്താറുണ്ട്. അവരിൽ മിക്കവരും നമുക്കു പരിചയമില്ലാത്തവരാണ്. എന്നാൽ നമുക്ക് അറിയാവുന്ന ആളുകളെയും നമ്മൾ ക്ഷണിക്കണം. പരിചയമുള്ളവർ ക്ഷണിച്ചാൽ ആളുകൾ വരാൻ സാധ്യത കൂടുതലാണ്. (yb08 11 ¶2; 14 ¶1) നിങ്ങൾക്കു ക്ഷണിക്കാൻ കഴിയുന്ന ചിലർ ആരൊക്കെയാണ്?
-
ബന്ധുക്കൾ
-
കൂടെ ജോലി ചെയ്യുന്നവരും കൂടെ പഠിക്കുന്നവരും
-
അയൽക്കാർ
-
മടക്കസന്ദർശനങ്ങൾ നടത്തുന്നവർ, മുമ്പ് നമ്മുടെകൂടെ ബൈബിൾ പഠിച്ചിരുന്നവർ, ഇപ്പോൾ പഠിക്കുന്നവർ
കൂടാതെ, മൂപ്പന്മാർ നിഷ്ക്രിയരെ ക്ഷണിക്കും. നിങ്ങൾ ക്ഷണിക്കാൻ ഉദ്ദേശിക്കുന്ന ഒരാൾ നിങ്ങളുടെ പ്രദേശത്തല്ല താമസിക്കുന്നതെങ്കിലോ? അദ്ദേഹത്തിന്റെ അടുത്ത് സ്മാരകം നടക്കുന്ന സമയവും സ്ഥലവും കണ്ടെത്താൻ jw.org -ന്റെ തുടക്കം പേജിന്റെ മുകളിലെ ഞങ്ങളെക്കുറിച്ച് എന്ന ഭാഗം ക്ലിക്ക് ചെയ്യുക. എന്നിട്ട് “സ്മാരകം” തിരഞ്ഞെടുക്കുക. ഈ വർഷത്തെ സ്മാരകത്തിനു തയ്യാറെടുക്കുമ്പോൾ നിങ്ങൾക്കു ക്ഷണിക്കാൻ കഴിയുന്ന ആളുകളെക്കുറിച്ച് ചിന്തിക്കുക. എന്നിട്ട് നിങ്ങൾത്തന്നെ അവരെ ക്ഷണിക്കുക.