നല്ലതിനെ മോശ​മെ​ന്നും മോശ​മാ​യ​തി​നെ നല്ലതെ​ന്നും പറയുന്ന ഒരു ലോക​ത്താ​ണു നമ്മൾ ജീവി​ക്കു​ന്നത്‌. (യശ 5:20) ഇന്ന്‌, ചിലയാ​ളു​കൾ യഹോവ വെറു​ക്കുന്ന കാര്യങ്ങൾ ചെയ്യുന്നു. അതിൽ ഒരേ ലിംഗ​വർഗ​ത്തിൽപ്പെ​ട്ടവർ തമ്മിലുള്ള ദുഷ്‌പെ​രു​മാ​റ്റ​വും ഉൾപ്പെ​ടു​ന്നു. നമ്മുടെ പ്രിയ​പ്പെട്ട കുട്ടി​കളെ, അവരു​ടെ​കൂ​ടെ പഠിക്കു​ന്ന​വ​രോ മറ്റുള്ള​വ​രോ തെറ്റായ കാര്യങ്ങൾ ചെയ്യാൻ പ്രേരി​പ്പി​ച്ചേ​ക്കാം. ഇതും ഇതു​പോ​ലുള്ള മറ്റു പരി​ശോ​ധ​ന​ക​ളും നേരി​ടാൻ നിങ്ങൾക്ക്‌ എങ്ങനെ നിങ്ങളു​ടെ മക്കളെ ഒരുക്കാം?

യഹോ​വ​യു​ടെ നിലവാ​ര​ങ്ങ​ളെ​ക്കു​റിച്ച്‌ കുട്ടി​കളെ പഠിപ്പി​ക്കുക. (ലേവ 18:3) കുട്ടി​ക​ളു​ടെ വളർച്ച​യു​ടെ ഓരോ ഘട്ടത്തി​ലും അവരുടെ പ്രായ​ത്തിന്‌ അനുസ​രിച്ച്‌, ലൈം​ഗി​ക​ത​യെ​ക്കു​റിച്ച്‌ ബൈബിൾ പഠിപ്പി​ക്കുന്ന കാര്യങ്ങൾ അവർക്കു പറഞ്ഞു​കൊ​ടു​ക്കുക. (ആവ 6:7) സ്വയം ചോദി​ക്കുക: ‘ഉചിത​മായ സ്‌നേ​ഹ​പ്ര​ക​ട​ന​ങ്ങ​ളെ​യും മാന്യ​മായ വസ്‌ത്ര​ധാ​ര​ണ​ത്തി​ന്റെ പ്രാധാ​ന്യ​ത്തെ​യും മറ്റുള്ളവർ കുട്ടി​ക​ളു​ടെ സ്വകാ​ര്യത മാനി​ക്കേ​ണ്ട​തി​ന്റെ ആവശ്യ​ത്തെ​യും കുറിച്ച്‌ ഞാൻ എന്റെ മക്കളെ പഠിപ്പി​ച്ചി​ട്ടു​ണ്ടോ? ആരെങ്കി​ലും എന്റെ മക്കളെ അശ്ലീലം കാണി​ക്കാൻ ശ്രമി​ക്കു​ക​യോ യഹോ​വ​യ്‌ക്ക്‌ ഇഷ്ടമല്ലാത്ത ഒരു കാര്യം ചെയ്യാൻ ആവശ്യ​പ്പെ​ടു​ക​യോ ചെയ്‌താൽ എന്താണു വേണ്ട​തെന്ന്‌ എന്റെ മക്കൾക്ക്‌ അറിയാ​മോ?’ മുന്ന​മേ​യുള്ള അറിവ്‌ അപകട​ങ്ങ​ളിൽനിന്ന്‌ അവരെ സംരക്ഷി​ക്കും. (സുഭ 27:12; സഭ 7:12) മക്കളെ പഠിപ്പി​ക്കു​ന്ന​തി​ലൂ​ടെ, യഹോവ തന്ന വില​യേ​റിയ സ്വത്തി​നോ​ടുള്ള നിങ്ങളു​ടെ സ്‌നേഹം കാണി​ക്കു​ക​യാണ്‌.—സങ്ക 127:3.

നിലനിൽക്കുന്ന ഒരു വീട്‌ പണിയുക—‘ചീത്ത കാര്യ​ങ്ങ​ളിൽനിന്ന്‌’ മക്കളെ സംരക്ഷി​ക്കുക  എന്ന വീഡി​യോ കാണി​ക്കുക. എന്നിട്ട്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തുക:

• എന്തു​കൊ​ണ്ടാണ്‌ ചിലർ മക്കളെ ലൈം​ഗി​ക​ത​യെ​ക്കു​റിച്ച്‌ പഠിപ്പി​ക്കാൻ മടി കാണി​ക്കു​ന്നത്‌?

• “യഹോ​വ​യു​ടെ ശിക്ഷണ​ത്തി​ലും ഉപദേ​ശ​ത്തി​ലും” മാതാ​പി​താ​ക്കൾ മക്കളെ പരിശീ​ലി​പ്പി​ക്കേ​ണ്ടത്‌ എന്തു​കൊണ്ട്‌?—എഫ 6:4

• ലൈം​ഗി​ക​ത​യെ​ക്കു​റിച്ച്‌ മക്കളെ പഠിപ്പി​ക്കാൻ മാതാ​പി​താ​ക്കളെ സഹായി​ക്കു​ന്ന​തിന്‌ യഹോ​വ​യു​ടെ സംഘടന എന്തെല്ലാ​മാ​ണു തന്നിരിക്കുന്നത്‌?—w19.05 12, ചതുരം

• എന്തെങ്കി​ലും കുഴപ്പ​ങ്ങ​ളു​ണ്ടാ​കു​ന്ന​തി​നു മുമ്പു​തന്നെ മക്കളോ​ടു സംസാ​രി​ക്കുന്ന ഒരു പതിവ്‌ നിങ്ങൾക്കു​ണ്ടാ​യി​രി​ക്കേ​ണ്ടത്‌ എന്തു​കൊണ്ട്‌?