‘അവസാ​ന​കാ​ല​ത്തി​ന്റെ’ അവസാ​ന​ത്തിൽ ജീവി​ക്കുന്ന നമുക്കു കൂടു​തൽക്കൂ​ടു​തൽ പ്രശ്‌നങ്ങൾ നേരി​ടേ​ണ്ടി​വ​രും. (2തിമ 3:1; മത്ത 24:8-ന്റെ പഠനക്കുറിപ്പ്‌, nwtsty) ഒരു ദുരന്ത​മു​ണ്ടാ​കു​മ്പോൾ യഹോ​വ​യു​ടെ ജനത്തിനു മിക്ക​പ്പോ​ഴും ജീവര​ക്ഷാ​ക​ര​മായ നിർദേ​ശങ്ങൾ കൃത്യ​സ​മ​യ​ത്തു​തന്നെ ലഭിക്കാ​റുണ്ട്‌. ആത്മീയ​മാ​യും മറ്റു പ്രാ​യോ​ഗി​ക​വി​ധ​ങ്ങ​ളി​ലും നമ്മൾ ഇപ്പോൾത്തന്നെ അനുസ​ര​ണ​യോ​ടെ ഒരുങ്ങി​യി​രു​ന്നാൽ മാത്രമേ ആ സമയത്ത്‌ ഒരുപക്ഷേ നമുക്ക്‌ അതിജീ​വി​ക്കാൻ കഴിയു​ക​യു​ള്ളൂ.—ലൂക്ക 16:10.

• ആത്മീയ​മാ​യി ഒരുങ്ങുക: ക്രമമാ​യി ബൈബിൾ വായി​ക്കു​ക​യും പഠിക്കു​ക​യും ചെയ്യു​ന്നത്‌ ഒരു ശീലമാ​ക്കുക. വ്യത്യസ്‌ത വിധങ്ങ​ളിൽ ശുശ്രൂഷ ചെയ്യാൻ പഠിക്കുക. സഭയിലെ മറ്റുള്ള​വ​രിൽനിന്ന്‌ താത്‌കാ​ലി​ക​മാ​യി നിങ്ങൾ ഒറ്റപ്പെ​ട്ടു​പോ​യാ​ലും പരി​ഭ്രാ​ന്ത​രാ​ക​രുത്‌. (യശ 30:15) നിങ്ങൾ യഹോ​യിൽനി​ന്നും യേശു​വിൽനി​ന്നും ഒരിക്ക​ലും ഒറ്റപ്പെടില്ല.—od 176 ¶15-17

• പ്രാ​യോ​ഗി​ക​പ​ടി​കൾ സ്വീക​രി​ക്കുക: അവശ്യ​സാ​ധ​നങ്ങൾ അടങ്ങിയ ഒരു ബാഗ്‌ തയ്യാറാ​ക്കി​വെ​ക്കു​ന്ന​തി​നു പുറമേ ഓരോ വീട്ടു​കാ​രും ന്യായ​മായ അളവിൽ ആഹാര​വും വെള്ളവും മരുന്നും അതു​പോ​ലുള്ള മറ്റു സാധന​ങ്ങ​ളും കരുതി​വെ​ക്കണം. കാരണം കുറെ കാല​ത്തേക്കു നമുക്കു പുറത്ത്‌ ഇറങ്ങാൻ പറ്റാതെ വന്നാൽ അത്‌ ആവശ്യ​മാ​യി​വ​രും.—സുഭ 22:3; g17.5 4, 6

പ്രകൃതിദുരന്തത്തെ നേരി​ടാൻ നിങ്ങൾ തയ്യാറാ​ണോ? എന്ന വീഡി​യോ കാണുക. എന്നിട്ട്‌ പിൻവ​രുന്ന ചോദ്യ​ങ്ങൾ ചോദി​ക്കുക:

• ഒരു ദുരന്തത്തെ നേരി​ടാൻ നമുക്ക്‌ എങ്ങനെ ആത്മീയ​മാ​യി ഒരുങ്ങാം?

• എന്തു​കൊ​ണ്ടാണ്‌:

  • മൂപ്പന്മാരുമായി നല്ല ആശയവി​നി​മയം ഉണ്ടായി​രി​ക്കേ​ണ്ടത്‌?

  • അവശ്യസാധനങ്ങൾ അടങ്ങിയ ഒരു ബാഗ്‌ തയ്യാറാ​ക്കി​വെ​ക്കേ​ണ്ടത്‌?

  • നമ്മുടെ പ്രദേ​ശത്ത്‌ ഉണ്ടാകാൻ സാധ്യ​ത​യുള്ള ദുരന്ത​ങ്ങ​ളെ​ക്കു​റി​ച്ചും അത്തരം സാഹച​ര്യ​ങ്ങ​ളിൽ എന്തു ചെയ്യണം എന്നതി​നെ​ക്കു​റി​ച്ചും നേര​ത്തേ​തന്നെ ചർച്ച ചെയ്യേ​ണ്ടത്‌?

• ഒരു ദുരന്ത​മു​ണ്ടാ​കു​മ്പോൾ ഏതു മൂന്നു വിധങ്ങ​ളിൽ നമുക്കു മറ്റുള്ള​വരെ സഹായി​ക്കാം?

നിങ്ങളോടുതന്നെ ചോദി​ക്കുക, ‘കോവിഡ്‌-19 പകർച്ച​വ്യാ​ധി ഉണ്ടായ​തു​കൊണ്ട്‌, ഒരുങ്ങി​യി​രി​ക്കു​ന്ന​തി​നെ​ക്കു​റിച്ച്‌ എന്തെല്ലാം പാഠങ്ങൾ എനിക്കു പഠിക്കാ​നാ​യി?’