നല്ലൊരു ലോകം തൊട്ടുമുന്നിലാണെന്ന സന്തോഷവാർത്ത അറിയിക്കുന്നതിനു നവംബറിൽ നമ്മൾ ഒരു പ്രത്യേകശ്രമം നടത്തും. (സങ്ക 37:10, 11; വെളി 21:3-5) ഈ പ്രചാരണപരിപാടിയിൽ പരമാവധി ഉൾപ്പെടുന്നതിനു കാര്യങ്ങൾ ക്രമീകരിക്കുക. ആ മാസം സഹായ മുൻനിരസേവനം ചെയ്യാൻ ആഗ്രഹിക്കുന്നെങ്കിൽ 30-ഓ 50-ഓ മണിക്കൂർ വ്യവസ്ഥയിൽ നിങ്ങൾക്ക്‌ അതു ചെയ്യാനാകും.

കഴിയുന്നത്ര ആളുകളുമായി പുതിയ ലോകത്തെക്കുറിച്ചുള്ള ഒരു തിരുവെഴുത്തു പങ്കുവെക്കാൻ നിങ്ങൾക്കു തയ്യാറായിരിക്കാം. നിങ്ങളുടെ പ്രദേശത്തെ ആളുകളെ ആകർഷിക്കുന്ന ഒരു തിരുവെഴുത്ത്‌ തിരഞ്ഞെടുക്കുക. താത്‌പര്യം കാണിക്കുന്നവർക്ക്‌ ആദ്യസന്ദർശനത്തിൽത്തന്നെ 2021 നമ്പർ 2 വീക്ഷാഗോപുരം കൊടുക്കാവുന്നതാണ്‌. അവരുടെ അടുത്ത്‌ എത്രയും പെട്ടെന്ന്‌ മടങ്ങിച്ചെല്ലുക, ജീവിതം ആസ്വദിക്കാം—എന്നേക്കും! ലഘുപത്രികയിൽനിന്ന്‌ ബൈബിൾപഠനം തുടങ്ങാൻ ശ്രമിക്കുക. ‘ഏറെ മെച്ചമായ ഒന്നിനെക്കുറിച്ചുള്ള ശുഭവാർത്ത’ അറിയിക്കുന്നതിൽ നമ്മുടെ പരമാവധി ചെയ്യാനാകുന്നത്‌ എത്ര സന്തോഷം നൽകുന്ന ഒന്നാണ്‌!—യശ 52:7.

വരാനിരിക്കുന്ന പുതിയ ലോകം എന്ന ചിത്രഗീതം കാണുക. എന്നിട്ട്‌ താഴെ കൊടുത്തിരിക്കുന്ന ചോദ്യങ്ങൾക്ക്‌ ഉത്തരം കണ്ടെത്തുക:

• ഏതു നല്ല ഭാവിയാണു പെൺകുട്ടി ഭാവനയിൽ കാണുന്നത്‌?

• പുതിയ ലോകത്തിൽ എന്തിനെല്ലാംവേണ്ടിയാണു നിങ്ങൾ ആകാംക്ഷയോടെ കാത്തിരിക്കുന്നത്‌?

• പ്രത്യാശയെക്കുറിച്ച്‌ ധ്യാനിക്കുന്നത്‌ നവംബറിലെ പ്രചാരണപരിപാടിയിൽ പരമാവധി പങ്കെടുക്കാൻ നിങ്ങളെ എങ്ങനെ സഹായിക്കും?—ലൂക്ക 6:45