എന്തു​കൊ​ണ്ടാണ്‌ നിങ്ങൾ മാതാ​പി​താ​ക്ക​ളോട്‌ തുറന്ന്‌ സംസാ​രി​ക്കേ​ണ്ടത്‌? (സുഭ 23:26) കാരണം നിങ്ങളെ നോക്കാ​നും നിങ്ങൾക്കു​വേണ്ട നിർദേ​ശങ്ങൾ തരാനും ഉള്ള ഉത്തരവാ​ദി​ത്വം യഹോവ അവർക്കാണ്‌ കൊടു​ത്തി​രി​ക്കു​ന്നത്‌. (സങ്ക 127:3, 4) നിങ്ങളു​ടെ ചിന്തക​ളും ടെൻഷ​നു​ക​ളും ഒക്കെ പറയാ​തി​രു​ന്നാൽ അവർക്ക്‌ നിങ്ങളെ സഹായി​ക്കാൻ ബുദ്ധി​മു​ട്ടാ​യി​രി​ക്കും. അതു​പോ​ലെ അവരുടെ ജീവി​താ​നു​ഭ​വ​ങ്ങ​ളിൽനിന്ന്‌ പഠിക്കാ​നുള്ള അവസര​വും നിങ്ങൾക്കു നഷ്ടമാ​കും. അതിനർഥം എല്ലാം കാര്യ​ങ്ങ​ളും പറയണ​മെ​ന്നാ​ണോ? അങ്ങനെയല്ല. എന്നാൽ ആ കാര്യങ്ങൾ മറച്ചു​പി​ടി​ക്കു​ന്നത്‌ അവരെ പറ്റിക്കുക എന്ന ഉദ്ദേശ്യ​ത്തി​ലാ​യി​രി​ക്ക​രുത്‌.—സുഭ 3:32.

നിങ്ങൾക്ക്‌ എങ്ങനെ മാതാ​പി​താ​ക്ക​ളോ​ടു സംസാ​രി​ക്കാ​നാ​കും? അതിനാ​യി നിങ്ങൾക്കും അവർക്കും പറ്റിയ ഒരു സമയം കണ്ടെത്തുക. ഇനി അതിന്‌ പറ്റുന്നി​ല്ലെ​ങ്കിൽ നിങ്ങളു​ടെ ഉള്ളിലു​ള്ള​തെ​ല്ലാം പറഞ്ഞു​കൊണ്ട്‌ അവരിൽ ആർക്കെ​ങ്കി​ലും ഒരു കത്ത്‌ എഴുതുക. എന്നാൽ നിങ്ങൾക്കു സംസാ​രി​ക്കാൻ ഒട്ടും ഇഷ്ടമി​ല്ലാത്ത ഒരു കാര്യം നിങ്ങ​ളോ​ടു സംസാ​രി​ക്ക​ണ​മെന്ന്‌ അവർക്കു​ണ്ടെ​ങ്കി​ലോ? ഓർക്കുക, അവർ നിങ്ങളെ സഹായി​ക്കാ​നാണ്‌ ശ്രമി​ക്കു​ന്നത്‌. അവരെ ശത്രു​ക്ക​ളാ​യല്ല, കൂട്ടു​കാ​രാ​യി കാണുക. മാതാ​പി​താ​ക്ക​ളോട്‌ മനസ്സ്‌ തുറക്കാൻ നിങ്ങൾ ശ്രമി​ച്ചാൽ അത്‌ നിങ്ങളു​ടെ മുന്നോ​ട്ടുള്ള ജീവി​ത​ത്തിൽ, നിത്യ​ത​യി​ലു​ട​നീ​ളം, ഗുണം ചെയ്യും.—സുഭ 4:10-12.

എന്റെ കൗമാ​ര​നാ​ളു​കൾ—എനിക്ക്‌ എന്റെ മാതാ​പി​താ​ക്ക​ളോട്‌ എങ്ങനെ സംസാ​രി​ക്കാം എന്ന വീഡി​യോ കാണുക. എന്നിട്ട്‌ ഈ ചോദ്യ​ങ്ങൾക്ക്‌ ഉത്തരം കണ്ടെത്തുക:

• എസ്‌തെ​റും പാർഥി​ക്കും തങ്ങളെ​ക്കു​റി​ച്ചു​തന്നെ എന്തു തിരി​ച്ച​റി​ഞ്ഞു?

• യേശു​വി​ന്റെ മാതൃ​ക​യിൽനിന്ന്‌ നിങ്ങൾ എന്തു പഠിച്ചു?

• നിങ്ങളെ സ്‌നേ​ഹി​ക്കു​ന്നു​ണ്ടെന്ന്‌ നിങ്ങളു​ടെ മാതാ​പി​താ​ക്കൾ എങ്ങനെ​യാണ്‌ കാണി​ച്ചി​രി​ക്കു​ന്നത്‌?

• മാതാ​പി​താ​ക്ക​ളോട്‌ സംസാ​രി​ക്കാൻ നിങ്ങളെ സഹായി​ക്കുന്ന ബൈബിൾത​ത്ത്വ​ങ്ങൾ എന്തെല്ലാ​മാണ്‌?