പണ്ടുകാ​ലത്തെ ദൈവ​ദാ​സ​ന്മാർ തങ്ങളുടെ ഓരോ​രോ വിഷമങ്ങൾ യഹോ​വ​യോ​ടു പറഞ്ഞ​പ്പോൾ യഹോവ അവരെ സഹായി​ക്കു​ന്നത്‌ അവർക്കു കാണാ​നാ​യി. അങ്ങനെ​യുള്ള ധാരാളം അനുഭ​വങ്ങൾ ബൈബി​ളി​ലുണ്ട്‌. പ്രാർഥ​ന​കൾക്ക്‌ ഉത്തരം കിട്ടി​യതു കണ്ടപ്പോൾ അവരുടെ വിശ്വാ​സം ശക്തമായി. അതു കാണി​ക്കു​ന്നത്‌, നമ്മുടെ ഉത്‌ക​ണ്‌ഠ​ക​ളും പ്രശ്‌ന​ങ്ങ​ളും എടുത്തു​പ​റഞ്ഞ്‌ പ്രാർഥി​ക്ക​ണ​മെ​ന്നാണ്‌. അതിനു ശേഷം യഹോവ അതിന്‌ ഉത്തരം തരുന്ന വിധം തിരി​ച്ച​റി​യാൻ ശ്രമി​ക്കു​ക​യും വേണം. ഒരു കാര്യം ഓർക്കുക, നമ്മൾ പ്രതീ​ക്ഷി​ക്കു​ന്ന​തു​പോ​ലെ ആയിരി​ക്കില്ല യഹോവ ഉത്തരം തരുന്നത്‌, ചില​പ്പോൾ നമ്മൾ ചോദി​ക്കു​ന്ന​തി​നെ​ക്കാൾ കൂടുതൽ തരുക​യും ചെയ്‌തേ​ക്കാം. (2കൊ 12:7-9; എഫ 3:20) നമ്മുടെ പ്രാർഥ​ന​കൾക്ക്‌ യഹോവ ഉത്തരം തരുന്ന ചില വിധങ്ങൾ ഏതൊ​ക്കെ​യാണ്‌?

• ഒരു പ്രശ്‌നം വരു​മ്പോൾ പിടി​ച്ചു​നിൽക്കാ​നുള്ള ശാരീ​രി​ക​മോ മാനസി​ക​മോ ആത്മീയ​മോ ആയ ശക്തി.—ഫിലി 4:13

• തീരു​മാ​ന​മെ​ടു​ക്കാ​നുള്ള ജ്ഞാനം.—യാക്ക 1:5

• പ്രവർത്തി​ക്കാ​നുള്ള ആഗ്രഹ​വും ശക്തിയും.—ഫിലി 2:13

• ഉത്‌ക​ണ്‌ഠകൾ തോന്നു​മ്പോൾ മനസ്സമാ​ധാ​നം.—ഫിലി 4:6, 7

• മറ്റുള്ള​വ​രിൽനി​ന്നുള്ള ശാരീ​രി​ക​വും വൈകാ​രി​ക​വും ആയ പിന്തുണ.—1യോഹ 3:17, 18

• നമ്മൾ മറ്റുള്ള​വർക്കു​വേണ്ടി പ്രാർഥി​ക്കു​മ്പോൾ യഹോ​വ​യിൽനിന്ന്‌ അവർക്കു കിട്ടുന്ന സഹായം. —പ്രവൃ 12:5, 11

യഹോവ ‘പ്രാർഥന കേൾക്കു​ന്ന​വ​നാണ്‌’ എന്ന വീഡി​യോ കാണുക. എന്നിട്ട്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തുക:

• ആരോ​ഗ്യ​പ്ര​ശ്‌നങ്ങൾ കാരണം നമുക്ക്‌ അധിക​മൊ​ന്നും ചെയ്യാൻ കഴിയു​ന്നി​ല്ലെ​ങ്കിൽ ഷിമിസു സഹോ​ദ​രന്റെ അനുഭവം നമ്മളെ പ്രോ​ത്സാ​ഹി​പ്പി​ക്കു​ന്നത്‌ എങ്ങനെ?

• ഷിമിസു സഹോ​ദ​രന്റെ മാതൃക നമുക്ക്‌ എങ്ങനെ അനുക​രി​ക്കാം?