പരി​ശോ​ധ​നകൾ നമ്മളെ നിരു​ത്സാ​ഹ​പ്പെ​ടു​ത്തും, പ്രത്യേ​കി​ച്ചും അതു കുറെ കാലം നീണ്ടു​നിൽക്കു​മ്പോൾ. ശൗൽ രാജാ​വു​മാ​യുള്ള പ്രശ്‌നം ഒരു ദിവസം അവസാ​നി​ക്കു​മെ​ന്നും യഹോവ വാഗ്‌ദാ​നം ചെയ്‌ത​തു​പോ​ലെ താനൊ​രു രാജാ​വാ​കു​മെ​ന്നും ദാവീ​ദിന്‌ അറിയാ​മാ​യി​രു​ന്നു. (1ശമു 16:13) ക്ഷമയോ​ടെ യഹോ​വ​യ്‌ക്കാ​യി കാത്തി​രി​ക്കാൻ വിശ്വാ​സം ദാവീ​ദി​നെ സഹായി​ച്ചു.

ചില പരി​ശോ​ധ​നകൾ ഉണ്ടാകു​മ്പോൾ നമ്മുടെ വിവേ​ക​വും അറിവും ചിന്താ​ശേ​ഷി​യും ഉപയോ​ഗിച്ച്‌ സാഹച​ര്യ​ത്തിന്‌ മാറ്റം വരുത്താൻ നമുക്കു കഴി​ഞ്ഞേ​ക്കാം. (1ശമു 21:12-14; സുഭ 1:4) എന്നാൽ മറ്റു ചില​പ്പോൾ ബൈബിൾത​ത്ത്വ​ങ്ങൾക്കു ചേർച്ച​യിൽ നമ്മളെ​ക്കൊണ്ട്‌ ആകുന്ന​തെ​ല്ലാം ചെയ്‌താ​ലും സാഹച​ര്യ​ത്തിന്‌ മാറ്റം വരണ​മെ​ന്നില്ല. അത്തരം സാഹച​ര്യ​ങ്ങ​ളിൽ നമ്മൾ ക്ഷമയോ​ടെ യഹോ​വ​യ്‌ക്കാ​യി കാത്തി​രി​ക്കണം. പെട്ടെ​ന്നു​തന്നെ ദൈവം നമ്മുടെ കഷ്ടപ്പാ​ടു​കൾക്കെ​ല്ലാം ഒരു അവസാനം കൊണ്ടു​വ​രും, കണ്ണുക​ളിൽനിന്ന്‌ “കണ്ണീ​രെ​ല്ലാം തുടച്ചു​ക​ള​യും.” (വെളി 21:4) നമ്മുടെ പ്രശ്‌നങ്ങൾ അവസാ​നി​ക്കു​ന്നത്‌ യഹോ​വ​യു​ടെ ഇടപെ​ട​ലു​കൊ​ണ്ടാ​ണെ​ങ്കി​ലും മറ്റെ​ന്തെ​ങ്കി​ലും കാരണങ്ങൾ കൊണ്ടാ​ണെ​ങ്കി​ലും ഒരു കാര്യം ഉറപ്പാണ്‌: എല്ലാ പ്രശ്‌ന​ങ്ങൾക്കും ഒരു അവസാ​ന​മുണ്ട്‌. ഇതെക്കു​റിച്ച്‌ ചിന്തി​ക്കു​ന്നത്‌ നമുക്ക്‌ കുറ​ച്ചൊ​ക്കെ ആശ്വാസം തരും.

വിഭജിതലോകത്തിൽ ഒരു ഏകീകൃ​ത​ജനം എന്ന വീഡി​യോ കാണുക. എന്നിട്ട്‌ ഈ ചോദ്യ​ങ്ങൾക്ക്‌ ഉത്തരം കണ്ടെത്തുക:

• ഐക്യ​നാ​ടു​ക​ളി​ലെ തെക്കു​ഭാ​ഗ​ത്തുള്ള സഹോ​ദ​രങ്ങൾ എന്തു പ്രശ്‌ന​മാണ്‌ നേരി​ട്ടത്‌?

• അവർ എങ്ങനെ​യാണ്‌ ക്ഷമയും സ്‌നേ​ഹ​വും കാണി​ച്ചത്‌?

• അവർ തുടർന്നും എങ്ങനെ​യാണ്‌ ‘പ്രാധാ​ന്യ​മുള്ള കാര്യ​ങ്ങ​ളിൽ’ ശ്രദ്ധ കേന്ദ്രീ​ക​രി​ച്ചത്‌?—ഫിലി 1:10