“യഹോവ തന്റെ ജനത്തിൽ സംപ്രീ​ത​നാണ്‌.” (സങ്ക 149:4) നമ്മൾ അപൂർണ​രാ​ണെ​ങ്കി​ലും യഹോവ നമ്മുടെ നല്ല ഗുണങ്ങൾ കാണു​ന്നുണ്ട്‌, നമ്മളെ​ക്കൊണ്ട്‌ എന്തൊക്കെ ചെയ്യാൻ കഴിയു​മെ​ന്നും യഹോ​വ​യ്‌ക്ക്‌ അറിയാം. എന്നാൽ നമ്മുടെ നല്ല ഗുണങ്ങ​ളൊ​ന്നും നമുക്കു കാണാൻ കഴി​ഞ്ഞെ​ന്നു​വ​രില്ല. ആളുകൾ നമ്മളോട്‌ ഇടപെ​ടുന്ന രീതി​കൊ​ണ്ടാ​യി​രി​ക്കാം നമുക്ക്‌ അങ്ങനെ തോന്നു​ന്നത്‌. അല്ലെങ്കിൽ, കഴിഞ്ഞ കാലത്ത്‌ ചെയ്‌ത തെറ്റു​ക​ളെ​ക്കു​റിച്ച്‌ ഓർത്ത്‌ ‘യഹോ​വ​യ്‌ക്ക്‌ എന്നെ എങ്ങനെ സ്‌നേ​ഹി​ക്കാൻ കഴിയും’ എന്ന്‌ നമ്മൾ ചിന്തി​ച്ചു​പോ​യേ​ക്കാം. അങ്ങനെ​യൊ​ക്കെ തോന്നു​ന്നെ​ങ്കിൽ നമുക്ക്‌ എന്തു ചെയ്യാം?

മനുഷ്യർക്കു കാണാ​നാ​കു​ന്ന​തി​നെ​ക്കാൾ കൂടുതൽ യഹോ​വ​യ്‌ക്കു കാണാ​നാ​കു​മെന്ന്‌ ഓർക്കുക. (1ശമു 16:7) അങ്ങനെ വരു​മ്പോൾ, നമ്മൾ നമ്മളിൽ കാണു​ന്ന​തി​നെ​ക്കാൾ കൂടുതൽ യഹോവ നമ്മളിൽ കാണു​ന്നുണ്ട്‌. യഹോവ നമ്മളെ എങ്ങനെ​യാ​ണു കാണു​ന്ന​തെന്നു മനസ്സി​ലാ​ക്കാൻ ബൈബിൾ സഹായി​ക്കു​ന്നു. ബൈബിൾവാ​ക്യ​ങ്ങ​ളും സംഭവ​ങ്ങ​ളും യഹോവ തന്റെ ആരാധ​കരെ എത്ര​ത്തോ​ളം സ്‌നേ​ഹി​ക്കു​ന്നു​ണ്ടെന്നു മനസ്സി​ലാ​ക്കാൻ സഹായി​ക്കും.

ദൈവമുമ്പാകെ നിന്റെ ഹൃദയത്തെ പറഞ്ഞ്‌ ബോധ്യ​പ്പെ​ടു​ത്തുക എന്ന വീഡി​യോ കാണുക. എന്നിട്ട്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തുക:

• യഹോവ നമ്മളെ എങ്ങനെ​യാ​ണു കാണു​ന്ന​തെന്നു മനസ്സി​ലാ​ക്കാൻ ഒരു ഓട്ടക്കാ​ര​ന്റെ​യും അദ്ദേഹ​ത്തി​ന്റെ പിതാ​വി​ന്റെ​യും ഉദാഹ​രണം സഹായി​ക്കു​ന്നത്‌ എങ്ങനെ?

  നിങ്ങളുടെ ഉത്തരം

• ഗുരു​ത​ര​മായ തെറ്റു ചെയ്‌ത ഒരാൾ യഹോ​വ​യു​മാ​യുള്ള ബന്ധത്തി​ലേക്കു തിരി​ച്ചു​വ​രാൻവേണ്ട നടപടി​ക​ളൊ​ക്കെ എടുത്തി​ട്ടു​ണ്ടെ​ങ്കിൽ അദ്ദേഹ​ത്തിന്‌ എങ്ങനെ ദൈവ​മു​മ്പാ​കെ സ്വന്തം ഹൃദയ​ത്തി​നു ധൈര്യം പകരാം?—1യോഹ 3:19, 20

  നിങ്ങളുടെ ഉത്തരം

• ദാവീ​ദി​നെ​യും യഹോ​ശാ​ഫാ​ത്തി​നെ​യും കുറി​ച്ചുള്ള ബൈബിൾവി​വ​ര​ണങ്ങൾ വായി​ക്കു​ക​യും ധ്യാനി​ക്കു​ക​യും ചെയ്‌ത​തിൽനിന്ന്‌ സഹോ​ദരൻ എങ്ങനെ​യാണ്‌ പ്രയോ​ജനം നേടി​യത്‌?

  നിങ്ങളുടെ ഉത്തരം