ഇന്ത്യയി​ലെ കേരള​ത്തിൽ, 2023 ഒക്ടോബർ 29 ഞായറാഴ്‌ച നടന്ന മേഖലാ കൺ​വെൻ​ഷ​നിൽ ഒന്നില​ധി​കം സ്‌ഫോ​ട​നങ്ങൾ ഉണ്ടായി. അതെക്കു​റിച്ച്‌ jw.org വെബ്‌​സൈ​റ്റി​ലെ “ഇപ്പോൾ കിട്ടിയ വാർത്ത”യിൽ റിപ്പോർട്ട്‌ ചെയ്‌തി​രു​ന്നു. സങ്കടക​ര​മായ കാര്യം, ആദ്യം കൊല്ല​പ്പെട്ട രണ്ട്‌ സഹോ​ദ​രി​മാർക്ക്‌ പുറമേ പരിക്കു​ക​ളേറ്റ 12 വയസ്സുള്ള ഒരു പെൺകു​ട്ടി​യും മരിച്ചു. കൂടാതെ, 55 സഹോ​ദ​രീ​സ​ഹോ​ദ​ര​ന്മാർക്ക്‌ പരിക്കു​ക​ളേറ്റു. ഇവരിൽ ചിലർക്ക്‌ ഗുരു​ത​ര​മായ പൊള്ള​ലു​ക​ളാ​ണു​ള്ളത്‌.

ഇപ്പോൾ, മൂന്ന്‌ സഹോ​ദ​രി​മാ​രും രണ്ട്‌ സഹോ​ദ​ര​ന്മാ​രും ഗുരു​ത​രാ​വ​സ്ഥ​യിൽ ആശുപ​ത്രി​യിൽ ചികി​ത്സ​യി​ലാണ്‌. ആ ദിവസം രാവിലെ ഏകദേശം 9:40-ന്‌ പ്രാരംഭ പ്രാർഥ​ന​യ്‌ക്കി​ടെ കുറഞ്ഞത്‌ മൂന്ന്‌ ബോം​ബു​ക​ളെ​ങ്കി​ലും പൊട്ടി​ത്തെ​റി​ച്ച​താ​യി അധികൃ​തർ സ്ഥിരീ​ക​രി​ച്ചു. ഈ ക്രൂര​കൃ​ത്യ​ത്തി​ന്റെ പിന്നിൽ പ്രവർത്തി​ച്ചെന്ന്‌ സംശയി​ക്കു​ന്ന​യാൾ ഇപ്പോൾ പോലീസ്‌ കസ്റ്റഡി​യി​ലാണ്‌, അന്വേ​ഷണം നടന്നു​കൊ​ണ്ടി​രി​ക്കു​ന്നു.

അടിയ​ന്തി​ര​സ​ഹാ​യം നൽകാ​നാ​യി സംഭവ​സ്ഥ​ലത്ത്‌ ഉടൻ എത്തിയ രക്ഷാ​പ്ര​വർത്ത​ക​രോ​ടും പരി​ക്കേ​റ്റ​വരെ ശുശ്രൂ​ഷി​ക്കുന്ന ആശുപ​ത്രി ജീവന​ക്കാ​രോ​ടും ഞങ്ങൾ വളരെ നന്ദിയു​ള്ള​വ​രാണ്‌.

സഹാരാ​ധ​കർ കാണിച്ച സ്‌നേ​ഹ​വും പിന്തു​ണ​യും ആ കൺ​വെൻ​ഷ​നിൽ പങ്കെടു​ത്ത​വരെ വളരെ​യ​ധി​കം സ്വാധീ​നി​ച്ചു. സ്‌ഫോ​ട​ന​ങ്ങ​ളു​ടെ സമയത്ത്‌ ഹാളിൽ ഉണ്ടായി​രുന്ന ഒരു സഹോ​ദരി പറയുന്നു: ”‏ഞാൻ പെട്ടെ​ന്നു​തന്നെ യഹോ​വ​യോ​ടു പ്രാർഥി​ച്ചു. സേവക​ന്മാ​രും മറ്റു സഹോ​ദ​ര​ങ്ങ​ളും ഞങ്ങളുടെ സുരക്ഷ​യ്‌ക്കു​വേണ്ടി ഉടനടി പ്രവർത്തി​ച്ചു. യഹോ​വ​യ്‌ക്ക്‌ നമ്മളോട്‌ ഓരോ​രു​ത്ത​രോ​ടു​മുള്ള സ്‌നേ​ഹ​വും കരുത​ലും ആണ്‌ ആ സഹോ​ദ​ര​ങ്ങ​ളി​ലൂ​ടെ ഞങ്ങൾ കണ്ടത്‌.”‏

ഇന്ത്യ ബ്രാ​ഞ്ചോ​ഫീ​സി​ലെ പ്രതി​നി​ധി​ക​ളും സർക്കിട്ട്‌ മേൽവി​ചാ​ര​ക​ന്മാ​രും പ്രാ​ദേ​ശിക മൂപ്പന്മാ​രും ബാധി​ക്ക​പ്പെ​ട്ട​വർക്ക്‌ തുടർന്നും ആത്മീയ​വും പ്രാ​യോ​ഗി​ക​വും ആയ സഹായം നൽകുന്നു. ആക്രമ​ണ​ത്തിന്‌ ഇരയായ സഹോ​ദ​രീ​സ​ഹോ​ദ​ര​ന്മാ​രെ ആശ്വസി​പ്പി​ക്കാൻ ബ്രാ​ഞ്ചോ​ഫീൽനി​ന്നും കേരള​ത്തി​ലേക്കു വന്ന ഒരു മൂപ്പൻ ഇങ്ങനെ പറയുന്നു: “ബാധി​ക്ക​പ്പെട്ട സഹോ​ദ​ര​ങ്ങൾക്ക്‌ വളരെ​യ​ധി​കം ഞെട്ടലും വേദന​യും മാനസിക ആഘാത​വും ഒക്കെ ഉണ്ടെങ്കി​ലും അവരുടെ നല്ല മനോ​ഭാ​വം എന്നെ ശരിക്കും പ്രോ​ത്സാ​ഹി​പ്പി​ച്ചു. ഞാൻ അവരിൽ പലരോ​ടും സംസാ​രി​ച്ചി​രു​ന്നു. അവർ യഹോ​വ​യിൽ ആശ്രയി​ക്കു​ന്നത്‌ കണ്ടപ്പോൾ എന്റെതന്നെ വിശ്വാ​സ​മാണ്‌ ശക്തമാ​യത്‌.”

ലോക​മെ​ങ്ങു​മു​ള്ള സഹോ​ദ​ര​കു​ടും​ബം മുഴുവൻ, ഇന്ത്യയിൽ നടന്ന ദുരന്ത​ത്തിന്‌ ഇരയാ​യ​വ​രു​ടെ കുടും​ബാം​ഗ​ങ്ങൾക്കു​വേ​ണ്ടി​യും ഇതിൽ ബാധി​ക്ക​പ്പെട്ട എല്ലാവർക്കും​വേ​ണ്ടി​യും പ്രാർഥി​ക്കു​ന്നു. അക്രമ​വും കഷ്ടപ്പാ​ടും മരണവും ഒന്നും ഇല്ലാത്ത ഒരു ഭാവി​യെ​ക്കു​റി​ച്ചുള്ള ബൈബി​ളി​ന്റെ വാഗ്‌ദാ​ന​ത്തിൽ നമ്മൾ ആശ്വാ​സ​വും സമാധാ​ന​വും കണ്ടെത്തു​ന്നു. തുടർന്നും യഹോ​വ​യിൽ പൂർണ​മാ​യി ആശ്രയി​ക്കാൻ നമുക്ക്‌ ദൃഢനി​ശ്ചയം ചെയ്യാം.—സങ്കീർത്തനം 56:3.