“God eri ne too i heven kai takwelaṉania teʼe inotoa ne toto si sui.”—Daniel 2:44, New World Translation.

“Mili todaa teʼefa kaluwane ma inotoa eri kai too i gwauna abana.” —Isaiah 9:6, footnote.

• Inotoa eri ne kwaitalai ana kokoto la kai falea leʼa la i femu.—Isaiah 48:17, 18.

• Oki tooluka naʼa bia oki too ana seʼethathala la i la fanua nei iano faalu.—Revelation 21:3, 4.

Iu, i nunufana roo si do:

• Tha Jesus e fatania taa na ṉa Inotoa tha God kai ilia. Tha Jesus e toʼoa i sana toʼa nia ne toleda ura keki foʼa ura Inotoa tha God ura kai lae mai bia ili lana thathami la tha God i fanua nei iano. (Matthew 6:9, 10) Tha Jesus e ilifenia si do na kai fula mai asi maṉa na foʼa la eri kai fulatoʼona luʼu lana.

  Si maṉa natha Jesus e too i fanua nei iano, nia e tharea toʼa na kera thaofaa, faʼakwaa imole ne mataʼia, bia ka tataʼea imole ki fasia maea! (Matthew 15:29-38; John 11:38-44) Si do leʼa eki natha Jesus e ilifenia e fatania taa na toto kai ilia i fana imole ki na kera too i faara Inotoa tha God na ni nia kai kwaitalai iei.—Revelation 11:15.

• Si do eki sui bana ne toʼo i la fanua nei iano i taraʼena e fatania e karaṉia naʼa Inotoa tha God kai fula mai. Tha Jesus e uʼurodo sulia, sui feteʼi Inotoa eri ka falea enenoa i fana fanua nei iano, uniʼi thaofaa ki, omea ki, bia anunu baita ki kai toʼea fanua nei iano.—Matthew 24:3, 7.

  Si do eki kulu rikia e raa naʼa i la fa thato nai taraʼena. Adelana boʼo, kuki manataṉado bonaʼa ana Inotoa eri tha God na kai faʼadaṉaa taʼa la ki sui boʼo ma ka kwaikaraṉi naʼa ura kai ilia si do eri.