Библи бичигдэж байх үед зөв сэдлээр мацаг барихыг Бурхан таалдаг байжээ. Харин буруу сэдлээр мацаг барихыг таалдаггүй байв. Гэхдээ өнөөгийн хүмүүст мацаг барихыг тушаасан, эсвэл хориглосон зүйл Библид байдаггүй.

•   Бурхнаас удирдлага заавар, тусламж эрэхдээ. Иерусалим руу явж байсан хүмүүс Бурхнаас чин сэтгэлээсээ тусламж гуйн мацаг барьсан (Езра 8:21–23). Паул Барнаб хоёр хурлын ахлагчдыг томилохдоо мацаг барьдаг байв (Үйлс 14:23).

•   Бурхны санаа зорилгыг биелүүлэхээр бэлдэхдээ. Есүс баптисм хүртсэнийхээ дараа 40 хоног мацаг барьсан. Ийнхүү дэлхийд үйлчлэх хугацаандаа Бурхны хүслийг биелүүлэхэд өөрийгөө бэлджээ (Лук 4:1, 2).

•   Үйлдсэн нүглээ гэмшихдээ. Бурхан үнэнч бус израйлчуудад «мацаг барин, уйлан, гашуудаж бүх зүрхээрээ Над уруу эргэгтүн!» гэж зөнч Иоелээр хэлүүлсэн (Иоел 2:12–15).

•   Эвлэрүүллийн өдрөөр. Израйл үндэстэнд өгсөн Бурхны Хуульд жил бүр Эвлэрүүллийн өдөр мацаг барих ёстойг заасан байжээ a (Левит 16:29–31). Эвлэрүүллийн өдөр мацаг барьснаараа тэд төгс бусаа, Бурхны өршөөлийг хүртэх учиртайгаа санадаг байв.

•   Хүмүүст сэтгэгдэл төрүүлэх гэж. Мацаг барьснаа Бурхнаас өөр хэн нэгэнд мэдэгдэх шаардлагагүй гэж Есүс сургасан (Матай 6:16–18).

•   Шударга сайн хүн гэдгээ батлах гэж. Мацаг барьдаг хүн бусдаас илүү ёс суртахуунтай, Бурхантай дотно гэсэн үг биш (Лук 18:9–14).

•   Санаатайгаар нүгэл үйлддэг хэрнээ Бурхны сайшаалыг хүлээхээр (Исаиа 58:3, 4). Бурхан дуулгавартай, бас нүглээ чин сэтгэлээсээ гэмшсэн хүнийг мацаг барихад л сайшаадаг байсан.

•   Ёс төдий мацаг барихад (Исаиа 58:5-7). Хүүхэд аавдаа чин сэтгэлээсээ биш, ёсыг бодож л хайртай гэж хэлдэг бол аавд нь таатай сайхан санагдахгүй. Үүн шиг Бурхан бас ёс төдий мацаг барихыг таалдаггүй.

 Шаардлагагүй. Бурхан израйлчуудад Эвлэрүүллийн өдрөөр мацаг барихыг тушаасан нь үнэн. Гэхдээ Есүс гэмшсэн бүх хүний төлөө эвлэрүүллийг бүрмөсөн хийсэн учраас Христийн дагалдагчид мацаг барих шаардлагагүй болсон (Еврей 9:24–26; 1 Петр 3:18). Мөн Мосегийн хууль хүчингүй болсон учраас Христийн дагалдагчид Эвлэрүүллийн өдрийг сахих ч хэрэггүй болсон (Ром 10:4; Колосай 2:13, 14). Иймээс мацаг барих эсэхээ Христийн дагалдагч бүр өөрөө шийднэ (Ром 14:1–4).

 Христийн дагалдагчид өөрсдөө ч заавал мацаг барих ёстой гэж үздэггүй. Библид мацаг барихыг жаргалтай байхтай холбож бичсэн удаагүй. Харин Христийн жинхэнэ дагалдагчдыг «жаргалтай Бурхан» Ехова шигээ баяр жаргалтай байдаг гэж бий (1 Тимот 1:11; Номлогчийн үгс 3:12, 13; Галат 5:22).

 Буруу ойлголт 3: Христийн дагалдагчид Есүсийн үхлийг дурсахдаа мацаг барих ёстой.

 Үнэндээ бол: Есүс дагалдагчдадаа үхлийг нь дурсахдаа мацаг барихыг тушаагаагүй (Лук 22:14–18). Өөрийг нь үхэхэд шавь нар нь мацаг барина гэсэн нь мацаг барихыг тушаасан хэрэг биш, зүгээр л тийм юм болохыг хэлсэн хэрэг байжээ (Матай 9:15). Библид харин бүр Есүсийн үхлийг дурсахаар ирэхээсээ өмнө гэртээ юм идэхийг зөвлөсөн байдаг (1 Коринт 11:33, 34).