Есүс сайн хүний хийдгээс илүүг хийсэн юм. Нэг л зүйлийг дурдахад, тэрээр хүний түүхэн дэх хамгийн нөлөө бүхий хүн гэдгээ баталсан билээ. Дараах алдартай түүхчид болон зохиолчид Есүсийн тухай юу гэж хэлснийг анхааръя.

 «Назарын Есүс бол ... түүхэн дэх нөлөө бүхий хүн яах аргагүй мөн билээ» Х. Г. Уэллс (Английн түүхч).

 «[Есүс] энэ дэлхий дээр амьдарч байсан хамгийн агуу хүн бөгөөд одоо ч түүний амьдрал хүмүүст нөлөөлсөөр байдаг» Кеннет Скотт Латуретт (Америкийн түүхч, зохиолч)

 Есүс дэлхий дээр амьдарч байсан ямар ч сайн хүнтэй харьцуулахын аргагүй нөлөө бүхий хүн байсны учрыг Библид бичсэн байдаг. Есүс өөрийнх нь тухай ямар бодолтой явдгийг хамгийн дотныхоо дагалдагчдаас асуухад «Та бол Христ, амьд Бурханы Хүү мөн» гэж нэг дагалдагч нь хариулжээ (Матай 16:16).