Чамд бас Анхаагийнх шиг бодол төрдөг үү? «Эхэнд Бурхан тэнгэр газрыг бүтээжээ» гэсэн Библийн зүйлд чи багаасаа л итгэсээр ирсэн байх (Эхлэл 1:1). Ихэнх хүн чамд, Бурхан бүх юмыг бүтээсэн гэдэгт итгэх нь үлгэр домогт итгэж байгаа хэрэг, харин эволюцийн онол бол баттай үнэн гэж итгүүлэхийг оролддог болсон биз ээ. Чи тэдний хэлж байгаа зүйлд итгэх ёстой юу?

•  Эволюцийн онолд итгэхгүй байх хоёр шалтгаан

•  Бодууштай асуултууд

•  Үе тэнгийнхэн чинь ямар бодолтой явдаг вэ?

1.   Эрдэмтэд эволюцийн талаар санал нэг байдаггүй. Хэдэн арван жил эрдэмтэд судалгаа шинжилгээ хийж байгаа ч эволюцийн онолын талаар нэг дүгнэлтэд хүрч чадаагүй.

    Бодож үзээрэй: Эрдэмтэд хүртэл энэ онолын талаар нэг дүгнэлтэд хүрч чадаагүй байхад чи энэ онолд итгэх ёстой гэж үү? (Дуулал 10:4).

2.   Утга учиртай зүйлд итгэх ёстой. «Амьдрал санамсаргүйгээр үүссэн юм бол бидний амьд байгаа нь бас орчлон ертөнц дээрх бүх зүйл ямар ч утга учиргүй болж таарна» гэж Закари гэдэг нэртэй хүү хэлжээ. Энэ үгийг үнэхээр бодууштай. Тэгэхээр эволюцийн онол үнэн бол амьдрал утга учиргүй болж таарна (1 Коринт 15:32). Харин Бурхан бүх юмыг бүтээсэн гэдэг нь үнэн бол амьдрал, ирээдүйн тухай олон асуултын жинхэнэ үнэн хариуг олж авна (Иеремиа 29:11).

    Бодож үзээрэй: Эволюцийн онол болон Бүтээгчийн талаар үнэнийг мэдэх нь чиний амьдралд хэрхэн нөлөөлөх вэ? (Еврей 11:1).

 НИЙТЛЭГ ОЙЛГОЛТ: Орчлонт ертөнц «их тэсрэлтийн» улмаас үүссэн.

•   «Их тэсрэлт» хэнээс эсвэл юунаас эхтэй вэ?

•   Аль нь илүү үнэмшилтэй вэ? Бүх юм хар аяндаа үүссэн. Эсвэл бүхнийг хэн нэгэн бүтээсэн.

 НИЙТЛЭГ ОЙЛГОЛТ: Хүн амьтнаас үүссэн.

•   Хүн амьтнаас, тухайлбал бичнээс үүссэн юм бол яагаад илүү ухаантай байдаг юм бэ? a

•   Амьд байгаль дахь «энгийн» зүйл хүртэл яагаад нарийн бүтэцтэй байдаг юм бэ? b

 НИЙТЛЭГ ОЙЛГОЛТ: Эволюцийн онол батлагдсан.

•   Үүнд итгэдэг хүмүүс өөрсдөө баримт нотолгоог нь нягталж үзсэн болов уу?

•   «Эрдэм боловсролтой хүмүүс бүгдээрээ эволюцийн онолд итгэдэг» гэж сонссон болохоор л олон хүн энэ онолд итгэдэг болсон юм биш биз?