Иона 3:1–10
3 Ехова Ионад хоёр дахь удаагаа айлдан
2 «Их хот Ниневе рүү явж миний чамд хэлэх мэдээг тунхагла» гэлээ.
3 Иймд Иона Еховагийн үгийг дуулгавартай биелүүлэн Ниневег зорив. Ниневе бол тойрч алхахад гурван өдөр болохоор маш том хот ажээ.
4 Иона хот руу орж «Дөч хоногийн дараа Ниневе устгагдана» гэж тунхаглангаа бүтэн өдөржин алхав.
5 Тэгэхэд нь ниневечүүд Бурхны сэрэмжлүүлгийг хүлээн авчээ. Тэд мацаг барихаар болж, баян ядуу, хөгшин залуугүй бүгдээрээ таар нөмрөв.
6 Ионагийн тунхагласан мэдээ Ниневегийн хааны сонорт хүрэхэд тэрбээр сэнтийнээсээ босож, хааны өмсгөлөө тайлаад таар нөмрөн үнсэн дээр суув.
7 Бас Ниневе даяар мөрдүүлэх ийм тунхаг гаргажээ.«Хаан болон хааны ноёд зарлиг буулгах нь: Хүн, мал амьтны аль аль нь юм идэж болохгүй. Бүр юу ч идэж болохгүй, ус ч ууж болохгүй.
8 Хүн, мал амьтны аль аль нь таар нөмрөх ёстой. Бурхныг шаргуу дуудаж, бузар муу, харгис хэрцгий үйл үйлддэгээ болигтун.
9 Тэгвэл жинхэнэ Бурхан гамшиг буулгах эсэхээ дахин бодолцож, уурлан хилэгнэхээ больж, бид амьд мэнд үлдэх ч юм билүү?» гэжээ.
10 Жинхэнэ Бурхан тэдний юу хийснийг, бузар мууг үйлдэхээ хэрхэн больсныг хараад гамшиг буулгах эсэхээ дахин бодолцож үзжээ. Тэгээд гамшиг буулгасангүй.
