Малахи 4:1–6
4 Тэнгэрийн цэргийн жанжин Ехова ийн айлдаж байна: «Зууханд гал дүрэлзэх мэт өдөр ирж байна. Тэр өдөр бардам хүмүүс, мууг үйлдэгч бүхэн сүрэл мэт болно. Тэд шатан устаж, үндэс ч үгүй, мөчир ч үгүй болно.
2 Харин миний нэрийг хүндэлдэг та нарын дээр зөв шударгын нар гийж, туяа нь та нарыг анагаана. Та нар бордсон тугал шиг тонгочно».
3 «Намайг арга хэмжээ авах өдөр муу хүмүүс та нарын хөлийн улан дахь шороо мэт байх учир та нар тэднийг гишгэчнэ» гэж тэнгэрийн цэргийн жанжин Ехова айлдаж байна.
4 «Миний зарц Мосегийн хуулийг, Хоребт бүх израйлчуудад өгсөн зарлиг, тушаалыг минь санагтун.
5 Еховагийн агуу, аймшигт өдөр болохоос өмнө би та нар луу зөнч Елиаг илгээнэ.
6 Тэрбээр эцгүүдийнх нь зүрх сэтгэлийг хөвгүүдийнх шиг нь, хөвгүүдийнх нь зүрх сэтгэлийг эцгүүдийнх шиг нь болгоно. Тэгснээр би ирж дэлхийг устгахгүй юм».
