ЯАГААД ЧУХАЛ БЭ? Хүмүүс Еховаг, таалалд нь нийцүүлж шүтэхийн тулд хэм хэмжээг нь сахиж сурах учиртай (Ис 2:3, 4). Суралцагчтайгаа үздэг хоёр дахь ном бол «Бурхны хайр» ном юм. Энэ ном Библийн зарчмыг амьдралдаа хэрэгжүүлж сурахад тус болдог (Ев 5:14). Сурсан зүйлээ зүрх сэтгэлдээ шингээж авахад нь суралцагчдаа туслахыг хичээх учиртай. Ингэвэл суралцагч өөрчлөгдөхийг чин сэтгэлээсээ хүсэж мэдэх юм (Ро 6:17).

ЯАХ ХЭРЭГТЭЙ ВЭ?

• Хичээлдээ бэлдэхдээ суралцагчийнхаа хэрэгцээ шаардлагыг сайтар бодоорой. Үзэж байгаа материалын талаарх санаа бодлыг нь мэдэхийн тулд асуулт зохиогоорой (Су 20:5).

• Библийн зарчмыг хэрэгжүүлэхийн ач тусыг ойлгуулъя гэвэл тухайн хичээлд хавсаргасан материалыг ашиглаарай.

• Мөс чанараараа шийдэх асуудлыг эргэцүүлэн бодоход нь суралцагчдаа туслаарай. Өмнөөс нь битгий шийдвэр гаргаарай (Гал 6:5).

• Библийн аль нэг зарчмыг хэрэгжүүлэхэд тусламж хэрэгтэй эсэхийг нь эвтэйхэн мэдэж аваарай. Еховаг хайрлах хайрандаа хөтлөгдөн өөрчлөгдөхөд нь сайхан сэтгэлээр туслаарай (Су 27:11; Иох 14:31)