Сатан дэлгэрүүлэх ажилд саад хийхийг оролдож биднийг хавчина гэж Библид зөгнөсөн (Иох 15:20; Ил 12:17). Зарим оронд итгэл нэгтнүүд маань хавчигдаж байна. Бид тэдэндээ яаж тус болох вэ? Тэднийхээ төлөө залбирч болно. «Зөвт хүний залбирал нь үр нөлөөтэй» (Иа 5:16).

Юу гэж залбирч болох вэ? Итгэл нэгтнүүдийг маань айж хулчийхгүй, зоригтой байхад нь туслаач гэж Еховагаас гуйж болно (Ис 41:10–13). Мөн «амар тайван, төвшин амьдралаар амьдрах[ын]» тулд эрх мэдэлтнүүдийг дэлгэрүүлэх ажилд сайнаар хандаасай гэж залбирч болно (1 Ти 2:1, 2).

Паул Петр хоёрыг хавчигдаж байхад І зууны христианууд тэдний нэрийг хэлэн Бурханд залбирч байжээ (Үй 12:5; Ро 15:30, 31). Харин өнөө үед бид хавчигдаж буй бүх итгэл нэгтнийхээ нэрийг мэдэхгүй байлаа ч тэднийхээ хурал, газар орон, нутаг усыг нь хэлээд залбирч болохгүй нь юу билээ?