Та өөрийгөө Есүсийн үеийн Галилд амьдарч байна гэж төсөөлөөрэй. Майхан баярыг тэмдэглэх гээд Иерусалимыг зорин явна. Хотод Еховаг шүтдэг хүмүүс их холоос иржээ. Та Еховад тахил өргөмөөр байлаа. Ямаагаа хөтөлсөөр хот руу орж ирэн хөл хөдөлгөөн ихтэй гудамжаар сүмийг зорин явна. Сүмд иртэл хүмүүс тахил өргөх гээд дараалан зогсож байв. Ашгүй таны ээлж ирж та тахилчид ямаагаа өгөх болов. Тэгтэл та хотын хаа нэгтээ байгаа итгэл нэгтнээ санав. Та хоёр түнжин хагараад байлаа. Есүс яах ёстойг тань хэлсэн (Матай 5:24-ийг уншина). Есүсийн хэлснээр эвтэй байхын тулд та хоёр яах ёстой вэ? Жагсаалтад байгаа зөв хариултыг зурж тэмдэглээрэй.

ТА ЯАХ ВЭ?

• Гомдох хүндтэй шалтгаан тэр хүнд байгаа гэж бодсон цагтаа л та түүнтэй ярина

• Тэр хүн амархан гомддог, бас тэр өөрөө ч гэсэн буруутай гэж бодон үзэл бодлыг нь засахыг хичээнэ

• Тэр хүний ярихыг анхааралтай сонсоно. Учрыг нь сайн ойлгохгүй байсан ч түүнийг гомдоосондоо чин сэтгэлээсээ уучлалт гуйна. Санаатайгаар хийгээгүй гэдгээ хэлнэ

ТЭР ХҮН ЯАХ ВЭ?

• Таны тухай хурлынханд муулж дэмжлэг хайна

• Таныг буруутгана. Болсон явдлыг дахин дахин ярьж, буруугаа хүлээхийг танаас шаардана

• Өөртэй нь ярих гэж хэчнээн даруу, зоригтой байсныг тань ойлгоод чин сэтгэлээсээ уучилна

Өнөө үед бид Бурхныг шүтэхдээ амьтнаар тахил өргөдөггүй. Гэхдээ ах дүүтэйгээ эвтэй байх, Бурхныг таалалд нь нийцүүлэн шүтэх хоёр хоорондоо холбоотойг ойлгуулахын тулд Есүс юү хэлж захисан бэ?