Есүсийн хувирч өөрчлөгдсөн үзэгдлийн үеэр тэнгэрийн Эцэг нь түүнд хайртай гэдгээ хэлжээ. Үүнийг сонсоод Есүст ямар санагдсан бол? Зоригжсон нь лавтай. Учир нь тэрээр удахгүй их зовлон амсах гэж байв. Энэхүү гайхамшигт үзэгдэл Петр Яаков Ёохан гурвын сэтгэл зүрхэнд ч хоногшин үлджээ. Тэд Есүсийг Мессиа мөн гэдэгт бат итгэж, түүнд дуулгавартай байсандаа баярласан нь ойлгомжтой. Бараг 32 жил өнгөрсөн ч Петр энэ үзэгдлийг дурсжээ. Бас «зөгнөлүүд биелнэ гэдэгт илүү бат итгэдэг болсноо» хэлсэн байдаг (2 Пе 1:16–19).
Бид тэрхүү гайхамшигт үзэгдлийг нүдээрээ үзээгүй. Гэхдээ зөгнөлийн утгатай тэр үзэгдэл биелж байгааг биеэрээ үзэж байна. Хүчирхэг хаан Есүс одоо биднийг захирч байна. Тэрээр удахгүй ялалт байгуулж шударга ёс ноёлох шинэ ертөнцийн үүдийг нээнэ (Ил 6:2).
Библийн зөгнөл биелэхийг хараад таны итгэл хэрхэн бэхэждэг вэ?
