Бурхнаас эмээдэг эцэг эхчүүдийн туйлын хүсэл бол үр хүүхдээ Еховагийн үнэнч үйлчлэгч болохыг харах юм. Тэр хүслээ биелүүлье гэвэл Библийн сургаалыг хүүхдийнхээ зүрх сэтгэлд нялх балчраас нь хоногшуулах хэрэгтэй (Ху 6:7; Су 22:6). Үүний тулд эцэг эхчүүд өөрийнхөө эрх ашгийг хойш тавих шаардлагатай. Гэлээ ч хичээж мэрийснийхээ ач гавьяаг заавал үзнэ (3Ёо 4).

Иосеф Мариа хоёроос сурах юм их бий. Тэд ихээхэн хүчин чармайлт, зардал мөнгө гаргах хэрэгтэй байлаа ч «жил бүр Дээгүүр өнгөрөх баяраар Иерусалим руу явж заншсан» байв (Лу 2:41). Гэр бүлээрээ Еховатай дотно байна гэдэг тэдний хувьд юу юунаас ч илүү чухал зүйл байлаа. Өнөө үед ч эцэг эхчүүд боломж бүрийг ашиглан үр хүүхдэдээ хэлж ярьж, үлгэрлэн зааварладаг бол тэднийгээ зөв зам руу залж байна гэсэн үг (Ду 127:3–5).

«ТЭД БОЛОМЖ БҮРИЙГ АШИГЛАСАН» ГЭСЭН ВИДЕО ҮЗЭЭД ДАРААХ АСУУЛТАД ХАРИУЛААРАЙ.

• Жон Шарон хоёр хүүхдүүдээ өсгөж хүмүүжүүлэхийн зэрэгцээ Хаант төрийн үйл хэргийг хэрхэн эн тэргүүнд тавьсан бэ?

• Эцэг эхчүүд яагаад хүүхэд бүрийнхээ онцлогт тохируулан тэднийгээ сахилгажуулах хэрэгтэй вэ?

• Итгэл сорьсон үеийг давахад нь хүүхдээ хэрхэн бэлдэх вэ?

• Та хүүхдээ Еховатай дотносоход нь тусалж, байгууллагаас гаргасан ямар материал ашиглаж байсан бэ?