ЯАГААД ЧУХАЛ БЭ? Хүн Еховагийн нэрийг дуудаж байж л аврагдана (Ро 10:13, 14). Гэхдээ бидэнтэй Библийн хичээл хийдэг хүн болгон Еховагийн тогтоосон хэм хэмжээний дагуу амьдрахыг хүсдэг юм биш ээ. Бид Еховагийн таалалд нийцэж амьдрахыг хүсдэг хүмүүст туслахын тулд л үнэт цагаа зориулах учиртай. Библийн хичээл хийгээд нэлээн удсан ч суралцагч тань ахиц гаргахгүй байгаа бол хичээл хийхээ больж, Еховагийн өөртөө болон байгууллага руугаа татаж байгаа хүнийг илүү анхаарах нь ухаалаг хэрэг юм (Ёох 6:44). Хичээл хийж байсан хүн ирээдүйд «Мөнх амь руу хөтлөх үнэнийг хүлээж авах зөв хандлагатайгаа» харуулбал дахиад дуртайяа хичээл хийж болно (Үй 13:48).

ЯАХ ХЭРЭГТЭЙ ВЭ?

• Үнэн зөв мэдлэгтэй болохыг хүсэж байгаа суралцагчаа магтаарай (1Ти 2:4)

• Сурч мэдсэн зүйлээ хэрэгжүүлэхийн чухлыг онцлоорой (Лу 6:46–49)

• Тариачны тухай Есүсийн жишээг аятайхан ярилцаж, ахиц гаргахад нь юу саад болж байгааг асуугаарай (Мт 13:18–23)

• Хичээл хийхээ яагаад больж байгаагаа эвтэйхэн тайлбарлаарай

• Хааяа ирж, урамшуулна, хэрвээ ахиц гаргах юм бол дахиж хичээл хийнэ гэж хэлээрэй

ВИДЕОГ ҮЗЭЭД ДАРААХ АСУУЛТАД ХАРИУЛААРАЙ.

• Суралцагч ахиц гаргахгүй байгааг харуулсан ярианаас та юу ойлгосон бэ?

• Амьдралаа өөрчлөх хэрэгтэйг суралцагчдаа дэлгэрүүлэгч хэрхэн ойлгуулсан бэ?

• Дахиад хичээл хийх боломжтой гэдгийг суралцагчдаа хэрхэн ойлгуулж байна вэ?