Суралцагчид Еховад таалагддаг болохын тулд итгэлээ батжуулах учиртай (Ев 11:6). Тэдний итгэлийг батжуулахад «Үүрд жаргалтай амьдраарай!» ном тус болно. Уг номд Библийн гол зүйл, тодорхой тайлбар, үр дүнтэй асуулт, зөв үйл хэрэгт хөтлөх видео, гоё зураг бий. Сайхан зан чанарыг төлөвшүүлж, Бурхантай дотно болоход нь тусалбал суралцагч сорилтыг давахад бэлэн болно (1 Ко 3:12–15).

Нүдэнд харагдахгүй Бурхантай найз болно гэхлээр зарим хүнд төсөөлөхөд бэрх байдаг. Тиймээс Еховаг таньж мэдэн, итгэж найддаг болоход нь тэдэнд туслах хэрэгтэй.

«“ҮҮРД ЖАРГАЛТАЙ АМЬДРААРАЙ!” ГАРЫН АВЛАГЫГ СУДАЛЖ ЕХОВАД ИТГЭДЭГ БОЛОХОД НЬ ТУСАЛЪЯ» ВИДЕОГ ҮЗЭЭД ДАРААХ АСУУЛТАД ХАРИУЛААРАЙ.

• Гэрч эмэгтэй хичээлдээ сайн бэлдсэн нь юунаас харагдаж байна вэ?

• Исаиа 41:10, 13-ын талаарх үзэл бодлыг нь хэлүүлэхийн тулд ямар ямар асуулт асуусан бэ?

• Видео болон Библийн зүйл суралцагчид яаж нөлөөлсөн бэ?

Олон хүн золиос гэж юу болохыг ойлгодоггүй, хүн нэг бүрд өгсөн Бурхны бэлэг гэж үздэггүй (Гал 2:20). Тиймээс Есүсийн золиосонд итгэдэг болоход тэдэнд туслах хэрэгтэй.

«“ҮҮРД ЖАРГАЛТАЙ АМЬДРААРАЙ!” ГАРЫН АВЛАГЫГ СУДАЛЖ ЕСҮСТ ИТГЭДЭГ БОЛОХОД НЬ ТУСАЛЪЯ» ВИДЕОГ ҮЗЭЭД ДАРААХ АСУУЛТАД ХАРИУЛААРАЙ.

• Гэрч эрэгтэй хичээлдээ сайн бэлдсэн нь юунаас харагдаж байна вэ?

• «Мэдлэгээ тэлье» хэсэгт байгаа материалыг суралцагчдаа тохируулан хэрхэн ашигласан бэ?

• Суралцагч хүн яагаад өөрөө залбирах зайлшгүй шаардлагатай вэ?