Бидэнд Библийн хичээл эхлэхэд үзүүлдэг дөрвөн видео бий. Видео тус бүр ямар зорилготой вэ?

• «Библийг яагаад судлах хэрэгтэй вэ?» видео хүмүүсийн шашин шүтлэг, итгэл үнэмшлээс үл хамааран Библид анхаарлыг нь хандуулах зорилготой. Амьдралын чухал асуултуудын хариуг Библиэс олж болдгийг, бас Библийн хариу ойлгомжтой байдгийн нэг жишээг дурддаг. Мөн Библийн хичээл яаж заалгахыг тайлбарласан.

• «Библийг яагаад судлах хэрэгтэй вэ? (Богиносгосон хувилбар)» видео нь 1:17 үргэлжилдэг бол бүтэн хувилбар нь 3:39 үргэлжилнэ. Энэ видеог завгүй хүмүүст үзүүлэхэд илүү тохиромжтой.

• «Библийн хичээл яаж хийдэг вэ?» видео хүмүүсийн анхаарлыг Библийн үнэ төлбөргүй хичээлд хандуулж, байнга асуудаг асуултад хариулдаг. Бас Библийн хичээл яаж заалгахыг тайлбарласан.

• «Библиэ шимтэн судлаарай» видеог суралцагчдад үзүүлдэг. Энэ видео «Үүрд жаргалтай амьдраарай!» номын 2-р хуудсанд гардаг ч «Үүрд жаргалтай амьдраарай!» товхимлыг ярилцаж байхдаа үзүүлж болно. Мөн номын агуулгыг дурдаж, Библийн хичээл яаж хийдгийг тайлбарласан.

Видео тус бүр өөрийн гэсэн зорилготой ч тохиромжтой бол хэзээ ч хүмүүст үзүүлж болно. Эдгээр видеотой сайн танилцаж, дэлгэрүүлэх ажилдаа үр дүнтэй ашиглаарай.