Бурхан муу хүмүүсийг дахин устгах уу?

22 Өнөөдөр ч муу хүмүүс байсаар л байна. Тэд энд ямар муу үйл хийж байна вэ?

23 Зарим нь хүн алдаг. Ингэх ёсгүй гэж Бурхан танд тушаасан (Египетээс гарсан нь 20:13; 1 Иохан 3:11, 12).

 24 Зарим хүн хулгай хийдэг. Хулгай хийж болохгүй гэж Бурхан айлдсан (Египетээс гарсан нь 20:15; Эфэс 4:28).

25 Зарим хүн олон эхнэртэй байдаг. Зарим нь хоёр буюу түүнээс ч олон эмэгтэйтэй өөр өөр гэрт амьдардаг. Зарим хосууд албан ёсоор гэр бүл болоогүй хэрнээ хамтдаа амьдардаг. Энэ бүхэн бол Библид бичигдсэний эсрэг юм (Матай 19:4—6; 1 Коринт 7:1—4; 1 Тимот 3:1, 2).

26 Адамд Бурхан зөвхөн нэг л эхнэр өгснийг та санаж байна уу? (Эхлэл 2:22, 24).

 27 Зарим хүн зохиомол шүтээнд мөргөдөг. Таныг шүтлэгтээ зохиомол шүтээн эсвэл зурмал хөрөг ашиглах ёсгүй гэж Бурхан хэлдэг (Египетээс гарсан нь 20:4, 5; Исаиа 44:9—17; 1 Иохан 5:21).

28 Засраагүй муу хүмүүсийг Ехова устгах болно (Дуулал 37:9, 10; Лүүк 13:5; 1 Коринт 6:9, 10).