Та юу хийх хэрэгтэй вэ?

50 Тэр сайхан диваажинд та мөнх амьдрахыг хүсэхгүй гэж үү?

Тэгвэл Бурханы хэлдэг зүйлийн талаар илүү ихийг мэд. Библийг уншиж сурахыг хичээгээрэй (Иохан 17:3; Илчлэлт 1:3).

51 Есүсийн тухай ихийг мэдэж ав (Дэд хууль 18:18, 19; Иохан 3:16; Үйлс 3:19—23).

52 Зөвхөн сайн үйл хийхийг хичээж, Еховагийн үгийг дага (Ром 6:17, 18, 22).

 53 Ехова бидэнд хүн алж болохгүй гэж хэлдгийг сана (Египетээс гарсан нь 20:13; 1 Иохан 3:11, 12).

54 Бид бусдын эд юмыг авах ёсгүй (Египетээс гарсан нь 20:15; Эфэс 4:28).

55 Эрэгтэй хүн эхнэрээсээ өөр эмэгтэйтэй амьдрах ба унтах ёсгүй (Египетээс гарсан нь 20:14, 17; 1 Тэсалоник 4:3).

56 Хүн хэдэн эхнэртэй байхыг Бурхан зөвшөөрдгийг та санаж байна уу? Нөхөр эхнэр хоёр хир удаан амьдрах ёстой вэ? (Эхлэл 2:22, 24; Матай 19:5, 6; 1 Коринт 7:2, 10, 11).

 57 Бид зөвхөн Еховаг шүтэх ёстой гэдгийг бас санагтун (Матай 4:10; 1 Коринт 8:6).

58 Зохиомол шүтээн ба зурмал хөрөг бидэнд тусалж чадахгүй. Яагаад? (1 Коринт 8:4).

Зохиомол шүтээнтэй байх нь сайн уу? (Дэд хууль 27:15; 1 Иохан 5:21).

59 Сахиус зүүж, шившлэг, хараал хийх нь яагаад муу вэ? (Дэд хууль 18:10—13; Илчлэлт 21:8).

60 Муу тэнгэрэлчүүд буюу албид нь Бурханы эсрэг боссон. Тэд хүмүүсийг төөрөлдүүлэхийн тулд мэргэ төлөгчдийг ашигладаг (Үйлс 16:16).

 61 Бид Бурханд залбирах ёстой. Залбирал гэдэг нь Бурхантай ярилцаж, түүнд үйлчлэхийг хүсэж байгаагаа илэрхийлэх буюу түүнээс тусламж гуйна гэсэн үг (Филиппой 4:6, 7).

62 Бид Есүст дуулгавартай байж, түүнд итгэх ёстой (Еврей 5:9; Иохан 3:16).

63 Тэрбээр биднийг аврахын тулд үхсэн гэдгийг сана (Ром 5:8).

 64 Есүс бол бидний үл үзэгдэгч Хаан гэдгийг санагтун. Бид түүний үгийг дагах ёстой (Филиппой 2:9—11; Илчлэлт 19:16).

 65 Мэдэж байгаа сайн зүйлийнхээ тухай бусдад ярих нь зохистой ба Бурханд үйлчлэхийг хүсэж байгаа хүмүүс баптисм хүртэх шаардлагатай гэж Есүс хэлсэн (Матай 28:19, 20; Иохан 4:7—15).

66 Тиймээс та найзуудтайгаа энэ сайхан зүйлүүдийн талаар ярилцаж болох юм (Матай 10:32).

67 Хэрэв та сайн уншиж сурвал улам ихийг сурч мэдэх ба бусдад илүү ихээр тусалж чадна (2 Тимот 2:15).

 68 Есүс балчир хүүхдүүдэд хүртэл Бурханд дуулгавартай байхыг сургасан. Есүс хүүхдүүдтэй ярилцах цаг зав ямагт гаргадаг байв (Матай 19:13—15).

69 Бурханы үгийг дагаж, түүнийг хайрлахыг эцэг эхчүүд, хүүхдүүддээ байнга заах ёстой (Дэд хууль 6:6, 7; Сургаалт үгс 6:20—22; Эфэс 6:4).

70 Олон янзын сүм хийд байдаг. Тэдгээрийн ихэнх нь Библийн бус сургаал номлодог. Үнэнийг сургадаггүй шашныг орхи гэж Ехова бидэнд тушаадаг (Илчлэлт 18:4; Иохан 4:23, 24).

 71 Танд Еховагийн тухай илүү ихийг зааж чадах олон хүн дэлхий дээр бий. Тэд хэн болохыг та мэдэх үү? (Үйлс 15:14; Ром 10:14, 15).

72 Тэд бол Еховагийн Гэрчүүд юм. Тэдний дунд энх амгалан байдал ноёлж байдаг. Яагаад гэдгийг мэдэх үү? Яагаад гэвэл тэд бие биедээ хайртай (Исаиа 43:10—12; Иохан 13:34, 35).

73 Тэд бас Еховад хайртай болохоор бүгдээрээ баптисм хүртжээ. Үүгээрээ тэд амьдралын муу хэлбэрээ орхисноо болон Бурханд үйлчлэхийг хүсэж буйгаа батлан харуулдаг (Үйлс 2:41).

 74 Еховагийн Гэрчүүд шинэ сайхан диваажинд амьдарна гэдэгт найддаг (Дуулал 37:9—11, 29).

Тэдэнтэй хамт тэнд амьдрахын тулд та юу хийж болох вэ? (Иакоов 1:22, 25; 2:20—26).

75 Еховад үйлчилж сурахын тулд Гэрчүүдтэй нэгдээрэй. Тэд Ехова болон Есүс Христэд хайртай бөгөөд үгийг нь дагадаг. Та тэдэнд хайртай юу? Бусад хүмүүст Бурханы тухай мэдэхэд нь туслахыг хүсэхгүй байна гэж үү? (Иохан 6:45—47).

 76 Ехова болон Есүс Христ танд хайртай ба таныг диваажинд мөнх амьдраасай гэж хүсдэг (Иохан 3:16).

Энэхүү товхимлын зураг болон мэдээллээс мэдэж авсан зүйл танд дэлхий дээр мөнх амьдран жаргах хүсэл төрүүлсэн нь эргэлзээгүй. Хэрвээ та илүү ихийг мэдэхийг хүсэж байгаа бол орон нутгийнхаа Еховагийн Гэрчүүдийн хэн нэгтэй уулзаж ярилцахыг бид зөвлөж байна. Түүнчлэн та өөрөө захиа бичээд эсвэл хэн нэгнээр бичүүлээд уг товхимлын хоёрдугаар хуудсанд байгаа хаягаар аль ойрын салбар уруу илгээж болно.