Та Еховаг хайрладаг учраас санаатайгаар гомдоохгүй нь ойлгомжтой. Гэхдээ хүн л юм чинь хааяа алдаа гаргах нь мэдээж. Харин зарим алдааг тоохгүй өнгөрөөж болдоггүй (1 Коринт 6:9, 10). Хэрэв та ноцтой нүгэл үйлдчихвэл яах вэ? Тийм үед ч Ехова танд хайртай хэвээрээ, таныг уучилж, туслахад бэлэн гэдгийг санаарай.

1. Еховагаар уучлуулъя гэвэл яах хэрэгтэй вэ?

Еховаг хайрладаг хүн ноцтой нүгэл үйлдсэнээ ухаарахаараа маш их харамсдаг. Гэхдээ Еховагийн өгсөн дараах амлалт тэднийг тайвшруулдаг. «Та нарын нүглүүд час улаан мэт боловч цас шиг цагаан болно» (Исаиа 1:18). Хэрэв чин сэтгэлээсээ гэмшвэл Ехова бүрмөсөн уучилдаг. Тэгвэл гэмшинэ гэж яахыг хэлдэг вэ? Хийсэн хэрэгтээ үнэн голоосоо харамсаж, дахин хийхээ больж, Еховагаас уучлалт гуйхыг хэлдэг. Түүнчлэн ноцтой нүгэл үйлдэхэд хүргэсэн буруу бодол, муу зуршлаасаа салж Еховагийн өндөр хэм хэмжээний дагуу амьдрахыг хэлнэ (Исаиа 55:6, 7-г уншина уу).

2. Ехова ахлагчдаар яаж туслуулдаг вэ?

Ноцтой нүгэл үйлдвэл «хурлын ахлагчдыг дуудаарай» гэж Ехова зөвлөдөг (Яаков 5:14, 15-ыг уншина уу). Яагаад гэвэл ахлагчид бол Еховаг, ард түмнийг нь хайрладаг, бас ноцтой нүгэл үйлдсэн хүнд хэрхэн туслахыг заалгасан хүмүүс юм. Тийм учраас ахлагчдаар туслуулбал Еховатай андын харьцаагаа сэргээнэ (Галат 6:1).

Тэгвэл ахлагчид чухам яаж тусалдаг вэ? Хоёр юм уу гурван ахлагч тэр хүнтэй уулзаж, хийсэн хэргийг нь Бурхан яагаад буруу гэж үздэгийг Библиэс үзүүлж тайлбарладаг. Бас дахин нүгэл үйлдэхгүй байхад нь тустай зөвлөгөө өгдөг. Түүнээс гадна Еховагийн сайшаалыг дахиад хүлээх боломжтойг нь хэлж ойлгуулдаг. Зарим тохиолдолд Еховатай эргээд дотностол нь хурлын үйл хэрэгт оролцохыг нь хязгаарлаж болох юм. Хэрэв тухайн хүн гэмшихгүй байвал хурлын бусад хүнийг хамгаалахын тулд хурлаас хасдаг.

 УХАЖ ОЙЛГОЁ

3. Нүглээ илчилбэл Еховатай дотносно

Хүн нүгэл үйлдвэл Еховагийн сэтгэлийг өвтгөдөг. Иймээс үйлдсэн нүглээ илчилж, уучлалт гуйж залбирах хэрэгтэй. Дуулал 32:1–5-ыг уншина уу. Дараах асуултад үндэслэн ярилцаарай.

• Нүглээ нуухын оронд Еховад хэлж залбирах нь яагаад бидэнд л сайн бэ?

 4. Хурлаас хасах нь ямар ач тустай вэ?

Ноцтой нүгэл үйлдсэн хүн Еховагийн хэм хэмжээг сахихгүй байхаар шийдвэл хурлаас хасагдаж, хурлын гишүүн байхаа больдог. Тийм хүнтэй найзлах нь битгий хэл, ярих ч ёсгүй. 1 Коринт 5:6, 11; 2 Ёохан 9–11-ийг уншина уу. Дараах асуултад үндэслэн ярилцаарай.

• Өчүүхэн хөрөнгө зуурсан гурилыг исгэдгийг бодож үзвэл ноцтой нүгэл үйлдсэн хүн хуралд яаж нөлөөлдөг вэ?

 ДҮГНЭЛТ

Ноцтой нүгэл үйлдлээ ч үнэн голоосоо гэмшиж, алдаагаа давтахгүй байвал Ехова уучилна.

Давтах асуулт

• Еховад нүглээ илчлэх нь яагаад зөв бэ?

• Еховагаар нүглээ уучлуулъя гэвэл яах хэрэгтэй вэ?

• Ноцтой нүгэл үйлдвэл яагаад ахлагчдад хандах хэрэгтэй вэ?