Еврей үгийг харвал алинд нь ч хамаарч болохоор. Гэхдээ утгыг нь зөв ойлгоход дараах хүчин зүйлүүд тус болно.

1. Энэ дууллын бусад хэсгийг анхаарах. Дуулал 144:12–14-т дурдсан ивээл нь шударга зөв хүмүүст буюу хорон муу хүмүүсээс «авран чөлөөлөөч» хэмээн гуйж буй хүмүүст хамаатай гэж ойлгож болохоор байдаг (11-р зүйл). 15-р зүйлийг үзвэл энэ нь батлагддаг. Тэнд «ерөөлтэй» буюу «жаргалтай» гэдэг үгийг хоёр удаа бичсэн байдаг бөгөөд энэ нь «ЭЗЭНийг өөрсдийн Бурханаа болгодог» яг тэр хүмүүст хамаатай.

2. Энэ ойлголт нь үнэнч үйлчлэгчдээ ивээнэ хэмээсэн Бурхны амлалт бүхий бусад зүйлтэй тохирдог. Бурхан израйлчуудыг дайснуудынх нь савраас авраад аз жаргалтай, сайн сайхан амьдруулна гэдэгт бат итгэдгээ Давид 144-р дуулалдаа тусгасан байдаг. Ашер гэдэг үгийг «тэгэхээр» гэж орчуулснаар Давидын энэхүү итгэл найдварыг улам тодорхой болгосон (Лев. 26:9, 10; Д.хууль 7:13; Дуу. 128:1–6). Жишээлбэл Дэд хууль 28:4-т «Биеэс чинь төрөх үр хүүхэд, газрын чинь ургац, мал амьтдын чинь төл, үхэр, хонины чинь төл ерөөгдөнө» гэж байдаг. Үнэхээр ч Израйлын ард түмэн Давидын хүү Соломоны захиргаанд байхдаа урьд нь хэзээ ч амсаж үзээгүй амар тайван, аз жаргалыг эдэлж байсан билээ. Түүнээс гадна Соломоны засаглал нь Мессиагийн засаглалын бэлгэдэл юм (Х.дээд 4:20, 21; Дуу. 72:1–20).

Дүгнэж хэлэхэд, 144-р дууллын талаарх энэхүү ойлголт Еховагийн үйлчлэгчдийн найдварыг улам тодорхой болгодог. Бузар муу хүмүүс устгагдаж, шударга зөв хүмүүс дэвжин дээшилж, үүрд амар тайван амьдарна (Дуу. 37:10, 11).