Еховад таалагдахын тулд түүнд итгэдэг байх ёстой. Гэхдээ Библид «Бүх хүн Бурханд итгэдэг юм биш» гэж байдаг (2 Тес. 3:2). Элч Паул өөрийг нь хавчиж байсан «аюултай, хорон муу хүмүүсийг» ийнхүү хэлсэн. Харин итгэлийн тухай хэлсэн дээрх үг илүү өргөн утгатай. Зарим хүн Бүтээгч Бурхан байдгийн тодорхой нотолгоог үл ойшоодог (Ром 1:20). Хүнийхээс илүү давамгай хүч байдаг гэдэгт итгэдэг хүмүүс ч бий. Гэхдээ ингэж итгэдэг байлаа ч Еховад таалагдахгүй.

Ехова байдагт, мөн өөрт нь бат итгэдэг хүнийг шагнадагт бид итгэх ёстой (Евр. 11:6). Итгэл бол Бурхны агуу хүчний нөлөөгөөр бий болдог зан чанаруудын нэг юм. Агуу хүч авъя гэвэл Еховад залбирч гуйх хэрэгтэй (Лук 11:9, 10, 13). Бас агуу хүчээр удирдуулан бичигдсэн Үгийг нь уншиж, уншсанаа эргэцүүлэн бодож, мэдэж авснаа амьдралдаа хэрэгжүүлэх учиртай. Ийнхүү агуу хүчнийх нь нөлөөгөөр Еховад таалагдах итгэлтэй болно.