Библид «энэ тогтолцооны төгсгөлийн» үед «нэг үндэстэн нөгөө үндэстний эсрэг, нэг улс нөгөө улсын эсрэг дайтах» бөгөөд газар сайгүй гамшиг болно гэж зөгнөсөн байдаг (Матай 24:3, 7). Эдгээр зөгнөл биелж байгаа нь 2023 оны үйлчлэлийн жилд a ч тодорхой байлаа. Харин Еховагийн Гэрчүүд энэ хугацаанд зэвсэгт мөргөлдөөн, байгалийн гамшиг болсон 100 орчим улс оронд хайрын Бурхнаа дуурайн тусламжийн үйл ажиллагаа явуулжээ. Хэрхэн тусалсан юм бол?

 2023 оны үйлчлэлийн жилд итгэл нэгтнүүд маань байгалийн болон хүний буруутай үйлдлээс болсон 200 гаруй гамшигт өртөн хохирчээ. Еховагийн Гэрчүүд дэлхий дахины үйл хэрэгт зориулсан хандивын сангаас нийт 10 гаруй сая ам.долларыг гамшигт нэрвэгсдэд туслах ажилд зарцуулсан байна. Үүнээс гадна оршин суугаа нутаг дэвсгэрийнхээ итгэл нэгтнүүдэд хувийн зардлаар тусалсан хүн олон байсан. Таны хандив гамшигт нэрвэгдсэн итгэл нэгтнүүдэд хэрхэн тус болсныг харуулах хоёр жишээ дурдъя.

 Нигери улсын зарим бүс нутагт борооны улиралд үер болох нь жирийн үзэгдэл юм. Харин 2022 оны 10 сард сүүлийн арван жилд болоогүй их үер болжээ. Үерийн улмаас 676 000 га тариалангийн талбай сүйрч, хоёр сая гаруй хүн дүрвэсэн байна. Нигери дахь манай байгууллагын салбар итгэл нэгтнүүддээ тусалж, итгэлийг нь батжуулахын тулд Гамшигт нэрвэгсдэд туслах хороог яаралтай байгуулжээ.

•   7 505 дэлгэрүүлэгч дүрвэсэн

•   860 айлын гэр эвдрэх юм уу сүйрсэн

•   90 цуглааны танхим, нэг чуулганы танхим усанд автсан

 250 000 гаруй ам.долларыг

•   будаа, гоймон, шош гэх мэт хүнсний бүтээгдэхүүн

•   гудас, шумуулаас хамгаалах тор зэрэг ахуйн хэрэгсэл

•   байрны сэргээн босголт, засварын ажил зэрэгт зарцуулжээ

 Ахан дүүс маань хандивын мөнгийг зөв зарцуулах талаар үргэлж анхаардаг. Жишээлбэл, юун түрүүнд байр барилгыг засварлах боломжтой эсэхийг нь сайтар нягтлан үздэг. Шинээр барихаас өөр аргагүй бол тухайн нутгийн нөхцөлд тохирсон энгийн загварыг сонгодог.

 Тусламж хүлээн авсан итгэл нэгтнүүд маань ч ихэд талархдаг. Нэгэн гэрч эмэгтэй: «Үерийн уршгаар тариалангийн талбай, гэр орон маань сүйрч амьдрал орвонгоороо эргэсэн. Ах дүүс маань цаг алдалгүй туслахаар ирж, би байрлах газартай ч болсон. Бас салбараас тусламжийн хүнс хүлээж аваад зөндөө их баярлаж бас тайвширч билээ. Ёохан 13:34, 35 үнэн гэдгийг ёстой л биеэрээ мэдэрсэн дээ. Жинхэнэ хайр гэж үнэхээр байдаг. Яг хэрэгтэй үед ирж тусалсан итгэл нэгтнүүддээ би бас манай гэрийнхэн чин сэтгэлээсээ талархаж байна» хэмээн ярьжээ.

 Бидний тусламжийн ажил бусад хүмүүсийн анхааралд мөн өртсөн юм. Байелса мужийн Сабагриа гэдэг газрын нэгэн тосгоны дарга: «Маш олон байгууллага, сүмүүд байдаг ч зөвхөн Еховагийн Гэрчүүд л ингэж тусалж байна. ... Дэлхийн хамгийн шилдэг байгууллагуудын нэг гэлтэй» хэмээжээ.

 2023 оны 2 сард Чилид 400 гаруй түймэр гарч ихээхэн хэмжээний хохирол учруулжээ. Чилийн дэд бүтцийн чухал хэсгүүд болон нийт 430 000 гаруй га газар сүйдэж, 8 000 орчим хүнийг нүүлгэн шилжүүлэхэд хүрчээ. Түймэр гарангуут манай байгууллагын салбараас тусламж үзүүлэх ажлыг нэн даруй зохион байгуулсан.

•   222 дэлгэрүүлэгчийг нүүлгэн шилжүүлсэн

•   20 айлын байшин эвдэрч нурсан

 200 000 гаруй ам.долларыг

•   хоол хүнс, ундны ус

•   шатахуун, эм тариа, цэвэрлэгээний хэрэгсэл

•   байр байшинг сэргээн засварлах ажил зэрэгт зарцуулжээ

 Нэгэн гэр бүл ажлын байр, орон гэр гээд байдаг бүхнээ алджээ. Орлогын ямар ч эх үүсвэргүй болсон тэд хоосорч үлдсэн байшингийнхаа буурийг хараад сэтгэл нь их хямарсан байна. Харин байшин нь баригдаж байгааг хараад тайвширч эхэлснээ ярьжээ. Ийнхүү тусламжийн гараа сунгасан итгэл нэгтнүүдийнхээ ачаар тэд бэрхшээлийг даван туулж чадсан юм. Мөн талархах сэтгэлдээ хөтлөгдөн итгэл нэгтнүүдийнхээ байр байшинг сэргээн засварлах ажилд гэр бүлээрээ туслахаар болжээ.

 Тусламжийн энэ ажил итгэл нэгтнүүдийг маань ихэд баярлуулдаг. Нэгэн Гэрч: «Еховагийн зохион байгуулсан Гамшигт нэрвэгсдэд туслах хороо ямар гайхалтай ажилладаг гээч. Гамшиг болсны дөнгөж маргааш нь л аль хэдийн оччихсон тусламжийн ажлаа эхлүүлж байдаг. Дэлхийн өнцөг булан бүрд явагдаж буй тусламжийн ажлын тухай уншихаар сэтгэл их хөдөлдөг. Гэхдээ ийм явдлыг биеэрээ үзэх мэдрэмж шал өөр юм байна лээ. Еховагийн байгууллагад талархах сэтгэл бүр ч их гүнзгийрдэг. Итгэл нэгтнүүд маань Еховагийн нэгэн адил бидэнд санаа тавин материаллаг болон сэтгэл санааны тусламж үзүүлж, итгэлээ батжуулахад тусалж байгаад талархаад баршгүй. Еховагийн хайрыг яг л жинхэнэ утгаар нь мэдэрсэн дээ» хэмээн ярьжээ.

 Энэ тогтолцооны төгсгөл ойртох тусам илүү олон гамшиг болно (Лук 21:10, 11). Харин халамжит Хаан Есүс Христ «энэ тогтолцооны төгсгөлийн үеийг дуустал» хурлаараа дамжуулан бидэнтэй хамт байна (Матай 28:20). Байгууллагын дэлхий дахинаа зохион байгуулдаг үйл ажиллагаанд зориулан donate.pr418.com сайтаар болон бусад хэлбэрээр өргөсөн таны хандив Бурхны Хаант төр хийгээд Хааныг нь чин сэтгэлээсээ дэмждэгийн тань илрэл билээ. Өгөөмөр сэтгэлтэй та бүхэндээ талархлаа илэрхийлье.