Олон улс оронд үер усны аюул нүүрлэж ард иргэд нь хохирч байгаа билээ. Зарим мэдээг дурдъя.

•   «Сүүлийн хэд хоног Хятадын нийслэлд 140 жил ороогүй усархаг аадар бороо орж Бямба гаргаас Лхагва гараг хүртэл 744,8 миллиметр хур тунадас унажээ»—AP News, 2023 оны 8-р сарын 2.

•   «Ширүүн аадар, догшин салхи дагуулсан Ханун хар салхи Японы өмнөд хэсгийг дайран өнгөрсөн хоёр дахь өдрөө буюу Пүрэв гарагт хоёр хүний амь насыг авч оджээ. ... Удахгүй Тайван улсын төв хэсэгт уулархаг нутгаар уг хар салхинаас үүдэлтэй 0,6 метр хур тунадас унах төлөвтэй байна»—Deutsche Welle, 2023 оны 8-р сарын 3.

•   «Канадын Атлантын далайн эрэг хавийн нутагт сүүлийн 50 жилийн дотор буусан хамгийн хүчтэй аадар борооноор [Нова Скоша мужид] өнгөрөгч амралтын өдрүүдэд үер буужээ»—BBC News, 2023 оны 7-р сарын 24.

 Үер усны аюулын тухай Библид юу гэж байдаг вэ?

 Бидний амьдарч байгаа цаг үеийг Библид «эцсийн өдрүүд» гэсэн байдаг (2 Тимот 3:1). «Аймшигтай явдлууд» буюу аюулт үзэгдлүүд бидний үед болно гэж Есүс зөгнөсөн (Лук 21:11). Уур амьсгалын өөрчлөлтөөс үүдэлтэй цаг агаарын аюултай үзэгдлүүд улам ойр ойрхон, хор хөнөөлтэй бас гэнэт болж байна.

 Библид бичсэнээр олон аймшигт үйл явдал болж байгаа нь үнэндээ байдал сайжрахын дохио юм. Энэ нь юу гэсэн үг вэ? Есүс: «Энэ бүхэн болохыг хараад Бурхны Хаант төр ойрхон байгааг ойлгоорой» гэжээ (Лук 21:31; Матай 24:3).

 Бурхны байгуулсан засгийн газар буюу Хаант төр удахгүй байгалийн хүчийг захирдаг, усны эргэлтийг зохицуулдаг болно гэдгийг өнөө үед болж буй үйл явдлууд баталдаг (Иов 36:27, 28; Дуулал 107:29).

 Бурхны Хаант төр байгаль орчныг яаж сэргээх талаар илүү ихийг мэдье гэвэл «Дэлхийг хэн аврах вэ?» гэсэн өгүүллийг уншаарай (англи).