2022 оны турш бид дайн, эдийн засгийн хямрал, байгалийн гамшгийн тухай мэдээгээр бөмбөгдүүлсэн. Энэ бүхэн чухам юуны шинж тэмдэг болохыг зөвхөн Библид л тайлбарладаг.

Юунаас болдог вэ?

 Бидний амьдарч байгаа цаг үеийг Библид зөгнөснөөр «эцсийн өдрүүд» гэдэг (2 Тимот 3:1). 2022 онд болсон үйл явдал энэ зөгнөл биелж байгааг бүр ч илүү баталдаг. «Эцсийн өдрүүд» хэмээх энэ цаг үе 1914 онд эхэлсэн. 2022 онд болсон үйл явдлууд Библид зөгнөсөнтэй хэрхэн таарч байгааг анхаарна уу.

 «Дайн» (Матай 24:6).

•   «2022 онд Европт дайны утаа дахин үнэртэв». a

 «Өлсгөлөн» (Матай 24:7).

•   «2022 он бол урьд хожид байгаагүй өлсгөлөнгийн жил». b

 «Тахал» (Лук 21:11).

•   «Саа өвчин дахин дэгдсэн. Сармагчны цэцэг өвчин тархав. КОВИД-19-ийн хор хөнөөл үргэлжилсээр байна. Хүн төрөлхтөн энэ бүх халдварт өвчний өмнө хүчин мөхөстөж байгаа нь илт». c

 «Аймшигтай явдлууд» (Лук 21:11).

•   «Хэт халалт, ган гачиг, ой хээрийн түймэр, үер. 2022 оны зуныг сүйрэл дагуулсан цаг агаарын тоо томшгүй аймшигт үзэгдлээр нь дурсах нь гарцаагүй. Энэ аймшигт үйл явдлуудын улмаас хэдэн зуун мянган хүний амь эрсдэж, дэлхий даяар хэдэн сая хүн дүрвэжээ». d

 «Үймээн самуун [эсвэл «эмх замбараагүй байдал, бослого», зүүлт]»  (Лук 21:9).

•   «Эдийн засгийн хямрал, инфляцын өсөлтөөс болж уурлаж бухимдан, засгийн газраа эсэргүүцсэн иргэдийн жагсаал 2022 онд шинэ дээд хэмжээнд хүрэв». e

Дараа жил юу болох вэ?

 2023 онд яг юу болохыг хэн ч хэлж мэдэхгүй. Гэхдээ тун удахгүй дэлхий дахины асуудлыг Бурхны Хаант төр буюу тэнгэрийн засгийн газар шийднэ гэдгийг л бид мэддэг (Даниел 2:44). Энэ засгийн газар хүнийг зовоодог бүхнийг үгүй хийж, Бурхны хүсэл тааллыг дэлхий дээр биелүүлнэ (Матай 6:9, 10).

 Дэлхий дахинд болж буй үйл явдлууд Библийн зөгнөлийн биелэл тул, «сэргэг байгтун» гэсэн Есүс Христийн зөвлөгөөг дагахыг танд санал болгож байна (Марк 13:37). Библи танд болон танай гэр бүлд ямар ач тустайг бас ирээдүйн сайхан найдвар өгдөг тухай илүү ихийг мэдье гэвэл бидэнтэй холбоо бариарай.