Ishworna haijabagi khuthangda meepum khudingmakna mangonda naksillaknaba hai. (Thagat ishei 65: 2) Adubu mangonda haijaba khudingmakti Ishworna tade. Khudam oina, magi nupibu tathi-tawoina touba nupa amagi haijabasing Ishworna tabidaba yai. (1 Peter 3:7) Ishrayel machasingna phattabata touduna leiba matamdasu, makhoina haijaba Ishworna tabiyu yakhide. Adum oinamak, achouba pap toururabasu pukning hongdoklabasing aduna haijabadi mahakna tabi. Tasengnamak, Ishworda haijaba haibasi achouba khudongchaba amani. Masibu eikhoina mamal leina lougadabani.​—Jishaiya 1:15; 55:7 pabiyu.

Haijaba khudingmak Ishworna tabibara? haiba video asi yengbiyu.

Ishworda haijaba haibasi eikhoigi laining-laisolgi saruk amani, maram asina eikhoina eikhoigi sembiba mapu Jehovah khaktada haijagadabani. (Maathi 4:10; 6:9) Eikhoi mapungphadaba oibana, eikhoigi papkidamak sibikhiba Jishugi mingda haijagadabani. (Johan 14:6) Eikhoina Jehovahda haijaba matamda chinpha puraga nattraga ithoklaga hanjin-hanjin haiba mahakna pamde. Eikhoigi thamoinungdagi haijabadu mahakna pammi.​—Maathi 6:7; Philippiya 4:6, 7 pabiyu.

Eikhoina khonjen thoktana haijaba phaoba eikhoigi Sembiba Mapuna tabi. (1 Samuel 1:12, 13) Eikhoina tanja khudingmakta mangonda haijanaba hai. Khudam oina, ayukta, numidangda, charamdaida amasung khudongchadaba mayoknarakpa matamda haijanaba takpi.​—Thagat ishei 55:22; Maathi 15:36 pabiyu.

Ishworda naksinjaba haibasi araiba natte. Maramdi eikhoina leiribasi Ishworda thajaba watpa amasung shanti leiba prithibi oihangani haiba mahakki wasakpu karemnabasinggi maraktani. (2 Timothy 3:1, 4; 2 Peter 3:3, 13) Maram aduna thajaba mannabasing punduna amana amabu pukning thougatminnaba darkar oi.​—Hibru 10:24, 25 pabiyu.

 Ishworbu nungsijaba meesingga punbana eikhoina Ishworda naksinjabada mateng panggani. Jehovahgi Sakhisinggi meetingda Ishwor thajaba meesingga punduna eikhoida pukning thougatnabagi tanja phang-ee.​—Romiya 1:11, 12 pabiyu.

Ishworgi waheidagi tamlibasing aduda munna wakhal toujaduna adomna Ishworda naksinjaba yagani. Ishworna touba thabaksing, mahakki paotak amasung mahakki wasaksingdagi kari tamba yabage haibadu khanbiyu. Ishworda haijaba amasung munna wakhal toujabana Ishworgi nungsiba amasung mahakki lousingbu eikhoigi thamoida henna thagatchaba ngamgani.​—Joshua 1:8; Thagat ishei 1:1-3 pabiyu.

Ishworda chetna thajaba leiraba khaktada adomna Ishworda naksinjaba ngamgani. Thajaba haibasi chinjak darkar oiba ahingba potsak amaga mannei. Ahingba potsak amana chang naina chinjak darkar oibagum, eikhoigi thajabasu leptana hengatnaba hotnabada eikhoigi thajabagi maramsing munna khangthaba chang-ee.​—Maathi 4:4; Hibru 11:1, 6 pabiyu.

Jehovahna mahakpu nungsijaba meesinggidamak khanbi. Makhoigi thajaba amasung lomba naidana hingnabagi asha mangkhiba yaba maram kayadagi mahakna makhoibu kanbi. (Thagat ishei 91:1, 2, 7-10) Eikhoigi hakchang sokhanba yaba amasung nungaiba phangloidaba thabaksing toudanaba mahakna khanghalli. Khwaidagi nungaina hingba yanabagi lambi Jehovahna tak-ee.​—Thagat ishei 73:27, 28; Jacob 4:4, 8 pabiyu.