“Maram asigidamak eikhoigi Ibungo Jishu Christagi Mapagi maphamda eina khuru khudak kunduna khurumjei, swarga amasung malemda leiba imung pumnamak mangondagi ming thonbani.”—Ephisha 3:14, 15

Adomgi imung karamna nungaina leiba yagani?

• Meihouron 1:26-28

  Khwaidagi ihan hanba imung adu Jehovahna houdokpikhibani.

• Ephisha 5:1, 2

  Nungaiba imung ama oinabagidamak Jehovah amasung Jishugi matou tamba haibasi yamna maru oi.

“Nakhoi mee khudingna . . . masamakki nupibu nungsisanu . . . Nupina mahakki mapuroibabu ikai khumnagadabani.”—Ephisha 5:33

Matei manaosingna amaga amaga karamna loinagani?

• Ephisha 5:22-29

  Mapuroiba amana imung manunggi maruoiba thoudangsing lougadabani. Mahakna mahakki nupibu nungsigadabani. Aduga nupina mahakki mapuroibana louba warepsingda mateng panggadabani.

• Colosiya 3:19; 1 Peter 3:4

  Makhoi amana amagi khanbiba amasung thoujal heiba oigadabani.

• 1 Peter 3:1, 2, 7

  Matei manaogi marakta amana amabu ikaikhumnaba utnagadabani.

• 1 Timothy 5:8; Tita 2:4, 5

  Mapuroibana imung manunggi darkar oibasing pigadabani. Aduga mahakki nupina cheksinna yum pangadabani.

“Nakhoigi nachasingbu saonaba kaihouganu, adubu Ibungogi maramda tambiduna amasung takpiduna makhoibu yokkhatpiyu.”—Ephisha 6:4

Mama mapa oibasinggi karamba thoudang leibage?

• Anisuba Wayen 6:4-9; Paorou 22:6

  Mama mapasingna angangsingda Jehovahgi maramda takpi tambinaba matam kaithokchagadabani. Yamna piklingeidagi houna makhoi amamambu Jehovahgi marup oinaba khaangheibaga loinana mateng pangbigadabani.

• 1 Peter 5:8

  Lamchat sajat oktaba amasung atoppa khudongthiba kayada tarudanaba angangsingbu takpi tambigadabani.

• Jiremiya 30:11; Hibru 12:9-11

  Warak watemba matamda asaoba amasung tamthiba maongda keidoungeidasu toubiroidabani.

“Angangsa . . . nakhoigi nama napana haiba illu.” —Ephisha 6:1

Angangsa, nakhoina karigi ima ipana haiba ingadouribano?

• Paorou 23:22-25; Colosiya 3:20

  Nakhoina haiba illabadi, Jehovah amasung nakhoigi ima ipasing haraogani.

• 1 Corinthiya 15:33

  Jehovahbu nungsiba meeoisingga marup oiyu. Adumna tourabadi, nahakna achumba toujabada henna laiba oihangani.