2 Suba Saruk
Amana amagi maphamda thajaba yaba meesak oiyu
“Maram aduna Ishworna tinnahankhraba adu mee kana amatana khaidoktasanu.”—Mark 10:9
Jehovahna eikhoida “namthak touganu” haina yathang piri. (Malachi 2:16) Maramdi hairiba waphamsi yumban punsida asukki matik maru oi. Namthak tounarabadi amana amabu thajaba ngamlakloi. Adubu matei-manao anigi marakta nungsinaba hengatnaba chetna thajanaba haibasi tangaiphade.
Ngasidi, luhonglaba nupa-nupi anigi marakta achetpa thajanaba leiba haibasi araiba oide. Nahakki yumban punsidu kaihandana thamnabagidamak thabak oina tougadaba wapham ani yengsi.
1 YUMBAN PUNSIBU YAMNA MARU OINA LOUBIYU
BIBLENA KARI HAIRI: “Henna aphaba adu” nattraga henna maruoibadu khang-u hairi. (Phillipiya 1:10) Yumban punsi haibasi nahakki punsigi khwaidagi maruoibasinggi marakta amani. Maram aduna masi luna loujagadabani.
Nahakki napuroiba nattraga nupigidamak khanbiba amasung punna ‘haraona leiminnaba’ Jehovahna pammi. (Pao Sandokpa 9:9) Nahakki napuroiba nattraga nupibu thawoidaba touroidabani haina mahakna mayek sengna khanghalli. Madugi mahutta amana amabu haraohannaba hotnagadabani. (1 Corinthiya 10:24) Nahakna mahakpu yamna maruoina amasung mamal leina lou-ee haibadu khanghallu.
NAHAKNA TOUBA YABADI:
-
Amana amada haiba munna tanaduna, wari watai sanaba nungtigi matam kaithokpiyu
-
“Eigi” haibagi mahutta “eikhoigi” haina khanbiyu
2 NAHAKKI THAMOIBU CHEKSINNA NGAK SELLU
BIBLENA KARI HAIRI: “Nupi amada pamna yengba mee aduna mahakki thamoida nupi aduga lannabagi thabak toukhrabani.” (Maathi 5:28) Kanagumba amana phattaba lamchat chatningbagi wakhal khanduna leirabadi, mahakna magi mapuroiba nattraga nupigi maphamda thajaba manghanbaga chap mannei.
‘Cheksinna nahakki thamoi ngaktuna thamba’ darkar oi haina Jehovahna hairi. (Paorou 4:23; Jiremiya 17:9) Madu touba ngamnaba, eikhoigi mitna kari kari yenglibage haibadu cheksingadabani. (Maathi 5:29, 30) Mamangeida Jobna kannagumba atoppa nupi amada mahakki mitna pamna yengloi haina warep loujakhi. Mahakki matou tamjagadabani. (Job 31:1) Ludaba video nattraga laising keidounungda yengloi haina lepchagadabani. Nahakki napuroiba nattraga nupiga nattana atoppa lamlanba amattaga nungsi nungongi mari thamloi haina khongpham chetna lepkadabani.
NAHAKNA TOUBA YABADI:
-
Nahaksi nahakki napuroiba nattraga nahakki nupi khaktagini haibasi atoppasingda mayek sengna khanghallu
-
Nahakki napuroiba nattraga nupina pukningda kari phaobage haibadu khangbiraga mahakna nungairoidaba thabaksing khudakta thadokpiyu
