Eikhoina imunggi darkar oibasing phangnaba sel darkar oi. (Paorou 30:8) “Senna ngak-selli” haina Biblenasu khanghalli. (Pao Sandokpa 7:12) Matei manao anigi marakta sel thumgi matangda wari sannabasi luna thokpa yai. Adubu selna maram oiraga nakhoigi yumban punsida akaiba oihanganu. (Ephisa 4:32) Matei manao anigi marakta thajanaba leigadabani amasung sel karamna sijinnagadage haibadu punna warep louminnagadabani.

BIBLENA KARI HAIRI: “Nakhoigi naraktagi amana awangba yum ama saninglabadi, mahakna madu loiba ngamnaba sel leigadra haina phamduna changgadaba adu hanna paroidra?” (Luke 14:28) Sel karamna sijinnagadage haibadu punna thourang touminnaba tangaiphade. (Amos 3:3) Nahakna kari kari leigadage amasung sel kaya yamna sijinnagadage haibadu phajana lepthok-u. (Paorou 31:16) Karigumba pot ama leinaba sel leire hairagasu madu leidaba yade haibadi leite. Sel tonsindanaba hotnou. Nahakki leijaba sel adukhak sijinnou.—Paorou 21:5; 22:7.

NAHAKNA TOUBA YABADI:

• Tha loisillakpada sel lemlabadi, madu karida sijinnagadage haibadu punna tannaminnou

• Sel puttharabadi, chading hanthanaba phajana thourang toubiyu. Khudam oina mapanda atangba mathelsing charubagi mahutta yumda thonglaga chaba yai

BIBLENA KARI HAIRI: ‘Ibungogi mityengda achumba toubata nattana meesinggi mityengdasu achumba adu tou.’ (2 Corinthiya 8:21) Nahakki napuroiba nattraga nupida nahakna sel kaya yamna talli amasung kaya yamna sijinnathokkhre haibadu thamoi sengna haidoknou.

Sel thumga mari leinaba achouba warepsing louba matamda nahakki napuroiba nattraga nupiga matam pumnamakta tannabiyu. (Paorou 13:10) Sel thumgi matangda thamoi sengna pao phaonabana nahakki yumban punsidu ingna chikna leiba ngamgani. Nahakna tallakpa seldu isagini haina khanbagi mahutta, imunggi selni haina khanbiyu.—1 Timothy 5:8.

NAHAKNA TOUBA YABADI:

• Amana amagi maphamda hangnadragasu sijinnathokkhiba yaba selgi chang ama lepthokpiyu

• Sel thumgi khudongchadaba ama laktriba phaoba selgi matangda wari sannadaba toubiganu