“Sastra khuding Ishworgi sordagi oibani.”—2 Timothy 3:16, Asengba Bible.

Punsigi maruoiba wahangsinggi paokhumsing phanggani.—Paorou 2:1-5.

Hingbada changba thajaba yaba paotaksing phanggani.—Thagat Ishei 119:105.

Tunggi punsigi asengba asha phanggani.—Romiya 15:4.

Yai, yamdrabada maram ahumda yumpham oiraga:

• Angakpa mawongda amaga amaga yanaba. Biblesi tongan tonganba meeoi 40 mukna chahi 1,600 henna changna irambani. Makhoi ayambadi amaga amaga sukun unnakhide. Adumoinamak, Bibleda yaoriba lairik khudingmak amaga amaga maruoiba wapham amada yanana chatli.

• Pukchel sengna iramba itihas. Taibangpangi itihas ibasingnadi chatnabi oina makhoigi meesinggi asoiba lotsinnei. Madugi onna-teinabada Bible ibasingdi makhoi masagi amadi makhoigi jatigi asoibasing pukchel sengna irammi.—2 Itihas 36:15, 16; Thagat Ishei 51:1-4.

• Mangjounana takthoklamba wa khudingmak chumba. Thainagi Babylon mangtakpagi wapham, thoudok thoktringei chahi 200 mukki mamangda mangjounana Bibleda takthoklammi. (Jishaiya 13:17-22) Masida Babylon karamna tugani haibata nattana masibu joi touragadouriba meesak adugi maming phaoba phongdoklammi.—Jishaiya 45:1-3.

  Bibleda mangjounana takthoklamba atoppa wapham kayamarumsu marik chumna thungkhi. Eikhoina Ishworgi waheidagi asha touribasi masimak nattra?—2 Peter 1:21.