Atoppasingga Aphaba Mari Karamna Thamba Yagani
Atoppasingga aphaba mari thamba yanaba eikhoigi Sembiba Mapuna eikhoida kannaraba paotak kaya piri. Meeoi kayana hairiba paotaksing adu injabadagi imung manunggi meeoising, marup mapangsing amasung officeta thabak touminnaba meesingga aphaba mari thamba ngammi. Houjik asigumba Ishworna pibiba paotak khara yengsi.
Ngakpiheiba Oibiyu
“Kanagumba amana kanagumba amagi mathakta nungaitaba leirabadi . . . amana amagi paap koknou.”—COLOSIYA 3:13.
Eikhoi khudingmak asoiba tou-ee. Aduna eikhoina atoppasingbu nungaihandaba yai nattraga atoppasingnasu eikhoibu nungaihandaba yai. Maram asina, eikhoina amana amabu ngakpiba haibasi darkar oi. Eikhoibu nungaihandriba meeoi adubu eikhoina ngakpirabadi mangonda leiramba eikhoigi saoningba, nungaitaba pumnamak kokkhigani. Eikhoina “phattabagidamak phattaba” haibadu touroidabani aduga meeoi adugi asoibadusu hanjin hanjin puthokloidabani. (Romiya 12:17) Adubu kanagumba amana sathina thamoi sokhallakpa tanjadadi madubu kaothokpa ngamdaba yai amasung meeoi adubu ngakpiba haibasi wana thokpa yai. Matamduda eikhoina kari touba yabage? Meeoi aduga unnaduna ing-tapna wari saduna chamthoknagadabani. Madu kanana chummi nattraga kanana lalli thinabagi natte adubu hannagumna amuk hanna aphaba mari thamnabani.—Romiya 12:18.
Nollukpa Oibiyu Amasung Atoppasingbu Ikaikhumnabiyu
“Pukning nollukpaga loinana nakhoi khudingmakna nasa nasadagi mee ateina henna phei haina khallu.”—PHILIPPIYA 2:3.
Eikhoisi nollukpa amasung atoppasingbu ikaikhumnaba meesak oirabadi meesingna eikhoiga loinabada nungaiba phaogani. Eikhoina makhoigi khanbigani, makhoibu thoujal heina loinabigani amasung thawoina makhoigi thamoi sokhalloi haibasi makhoina khanggani. Adubu eikhoina atoppasingbu hanthana yengba, atoppasingna eikhoigi wa ngakta ingadabani haibagi wakhallon leirabadi nungainadaba kaya lakkani aduga meesingna eikhoiga marupsu oiningloi.
Meechang Meekhai Naidaba Oibiyu
“Ishworna meesak meemai yengde . . . adubu jati khudingmakta Ishworbu kiba amasung dharmachenbagi thabak touba mee adu Ishworna yabi.”—PAKHONCHATPASINGGI THABAK 10:34, 35.
Sembiba Mapugi mityengdadi meeoiba khudingmak chap mannei. Lam, jat-kuchu, longi khetnaba aduga lairaba inakkhunba haiba karisu leite. “Mahakna ee amatadagi meeoibagi jati khudingbu . . . sembikhi.” (Pakhonchatpasinggi Thabak 17:26) Maram asina eikhoi meeoiba khudingmak ichin inao ngaktani. Eikhoina atoppasingbu ikaikhumnaba amasung thoujal heiba mawongda loinaba matamda makhoina harao-ee aduga eikhoisu harao-ee. Adumaina touba matamdadi eikhoigi Sembiba Mapubusu eikhoina haraohalli.
Pukning Tappa Oibiyu
’Pukning tappabu . . . nakhoina setlu.’—COLOSIYA 3:12.
Eikhoi pukning tappa meesak oirabadi atoppasingna eikhoiga wari watai sabada laina thokkani. Aduga eikhoina hekta saogatpa haibadu toudabanina eikhoigi asoiba leirabasu makhoina chumthokpigani. Kanagumba amana eikhoida asaoba utlakpa matamdasu eikhoigi pukning tappa mawong matouduna meedubu ingthahanba ngamgani. Maramdi, “ayingba paokhumna mei houna saoba ingthahalli, adubu akanba wahei watana saogathalli.”—Paorou 15:1.
Pukchel Chaoba Oibiyu Amasung Atoppasingda Thagatpa Phongdokpiyu
“Phangbadagi pibana henna yaiphabani.”—PAKHONCHATPASINGGI THABAK 20:35.
Ngasi meeoi ayambana masagida khanba amasung meehouchaoba oi. Adubu pukchel chaoba oibana asengba nungaiba phang-ee. (Luke 6:38) Pukchel chaoba meeoisingna meesingbu nungsi aduga pot chei henna pamba tourude. Maduna makhoibu tasengna nungaihalli. Kanagumbana makhoigidamak karigumba ama toubirakpa matamdasu haraoba amasung thamoidagi thagatpa phongdokchei. (Colosiya 3:15) Eikhoi isada asumna hangjaba yai, ‘ei arikpa amasung meebu thagatpa uttaba meega loinaba pambra nattraga pukchel chaoba meega loinaba pambra?’ Eikhoina meebu thagatpa utpa amasung pukchel chaoba meesakka loinaba pammi. Aduna eikhoi isamaksu adugumna oigadabani.—Maathi 7:12.
