Ishworbu Phajana Khangbana Mangonda Henna Naksinjaba Yagani
Eikhoibu Sembiba Ishworsi taseng tasengna lei. Mahakna pumnamak khang-ee, pumnamak ui. Mahakki aphaba matik magun kayasu lei. Mahakna eikhoibu mahakki maramda khanghanning-ee amasung mangonda naksilhanning-ee. (Johan 17:3; Jacob 4:8) Maram asina mahakna eikhoida masamakki maramda wapham kaya khanghalli.
Eikhoibu Sembiriba Ishworgi Maming Ama Lei
“Masi nahakki ming Jehovah kouba nahaktana malem apumbagi mathakta wangthoibani haiba meesingna khangnabani.”—THAGAT ISHEI 83:18.
Bibleda asengba Ishwor amakhak lei haina khanghalli. Mahakki ming Jehovah kou-ee. Mahakna malem prithibi, atiya nongdon, numit, tha, thawanmichak amasung lengli palliba pumnamakpu sembibani. Maram asina eikhoina mahak khaktabu ningjaba haibasi matik chai.—Phongdokpiba 4:11.
Jehovahdi Nungsiheiba Ishworni
“Ishwordi nungsibani.”—1 JOHAN 4:8.
Bibleda iramliba wapham kayasi pajaba amasung eikhoigi akoibada leiriba mahakki khutsem kayasi yengjaba matamda eikhoina Ishwor Jehovahgi matik magungsinggi maramda phajana khangba ngamgani. Mahakki thoidok hendokpa magundi nungsiba haibasini. Mahakna touba thabak khudingmak nungsibada yumpham oi. Maram asina eikhoina mahakki maramda khangba helliba makhei mahakpu nungsiba hellakkani.
Jehovahdi Ngakpiheiba Ishworni
“Nahakti kokpige ngairiba . . . Ishworni.”—NEHEMIYA 9:17.
Eikhoi meeoibasingsi mapungphadabani haiba Ishwor Jehovahna khang-ee. Maram asina mahakna eikhoigi asoibasing “kokpige” haibadi ngakpige haina ngaiduna lei. Maram asina eikhoina mangonda eikhoigi aranbasing ngakpinaba haijaraba amasung amuk hanna aranba thabak tourudanaba kanna hotnajarabadi mahakna eikhoibu soidana ngakpigani. Aduga eikhoina toukhiba asoibasing adugidamak eikhoibu cheirak pibasu touroi.—Thagat Ishei 103:12, 13.
Eikhoina Haijabasing Ishwor Jehovahna Taba Pammi
“Jehovahbu koujaba pumnamakta mahakti nakna lei . . . makhoigi koujabada mahakna tabigani.”—THAGAT ISHEI 145:18, 19.
Jehovahda haijanabagidamak eikhoina akhannaba niti niyam, photo nattraga murtigi darkar leite. Nungsiheiba mama mapana machasingna haiba thawai yaona tabibagumna Jehovahnasu eikhoina haijabasing thawai yaona tabi.
