“Ishwor ningdabasingna napigumna chongkhatlaklabasu, pukning phattana touba pumnamakna chaokhatlabasu, makhoi matam pumnamakki oina manghallagani.”—THAGAT ISHEI 92:7.

“Aroiba matamda” meesing asi kahenna phattaba oirakkani haina Bibleda mangjounana haidoklammi. (2 Timothy 3:1-5) Phattabasi asum asum henggatlakli haibasi eikhoina mamanggi panduptagisu khangkhre. Aduna masida eikhoina ngakningai oide. Adubu aroiba haibasina khanghanninglibasidi karino? Masina khanghanninglibadi, houjik leiriba Ishworna haiba indaba meeoising asigi aroiba laklani haibani. Yamna thunamak Ishworna phattaba meesing amasung phattaba sajat lichat hongdok-u haiba yadraba meeoisingbu manghallagani. Aduga aphaba meesing haibadi Ishworna haiba inba meesing khaktabu prithibisida thambigani. Maramdi Bibleda asumna hairi “dharmachenbasingna malem phanggani, madugi manungda matam pumnamakki oina leigani.” —Thagat Ishei 37:29.

“Ingthabagi Ishworna Seitanbu ikui kuidana . . . netkhaigani.”—ROMIYA 16:20.

Athuba matamda Seitan, phattaba sargadutsing amasung phattaba meesing pumnamak mangkhragani. Adudagidi mapham khudingmakta shanti leiba amasung nungaiba haibadu oiragani. Aduga matam aduda ‘kana amatana nakhoibu kihalloi’ hainasu Bibleda Ishworna washaktuna hairi.—Mica 4:4.

“Ishworgi leipham adu meesinggi marakta oire . . . Ishworna makhoigi mittagi pirang khuding teithokpigani; amuk hanna siba, waba, tengthaba, kappa amasung naba leiraroi.”—PHONGDOKPIBA 21:3, 4.

Seitan, Adam, Hawana toukhiba aranbasing amasung eikhoi isana touba asoibasinggi maheina eikhoina ngasi awaba amadi ana ayek kaya khaangli. Adubu hairiba nungaitabasing asi Ishworna louthokkhragani. Adudagidi “siba” haibadu amuk hanna leiraroi. Ishworbu nungsiba amasung mahakna haiba inba meeoisingna matamchuppagi oina leigani. Adubu makhoina leigadouribasi kadaidano?

“Lamhang amasung ikang kangba lamna makhoigidamak nungaigani, leikanglana haraojagani amasung gulapkumna satkani.”—JISHAIYA 35:1.

Ishworna phattaba meesingbu manghankhraba matungdadi prithibi asi taru tananba amasung phajaraba mapham ama oiragani. Eikhoigi akoibada phajaraba heikol leikolna pik thallagani. Aduga chana thaknabasu marang kaina phanglani. (Thagat Ishei 72:16) Samudragi, patki amasung turelgi isingsu asengba, aphaba ising ngakta oirani. Aduga maduda isingda leiba jiba kayana pik thallani. Matam adudadi eikhoigi chindagi “amotpa” haiba waheisi amuk hanna thoklaklaroi! Aduga meesingna makhoina sajaba yumsingda leigani. Meeoiba amattasu leipham leitaba, chaba phangdaba amasung lairaba haibadu oiraroi. —Jishaiya 65:21, 22.

‘Asibasing . . . hinggathangani.’ —PAKHONCHATPASINGGI THABAK 24:15.

Nahakna yamna nungsijaba kanagumba meeoising leikhidaba yaobra? Nahak makhoiga amuk hanna unnaningbra? Ishworna makhoibu tungda oirakkadouriba leikolgum phajaraba anouba taibangpan aduda hinggathanbigani. Matam aduda nahakna makhoibu masak khanggani aduga makhoinasu nahakpu masak khanggani. Khallaga yengbiyu, maduda nahakna kayada haraogadaba aduga makhoinasu kayada haraogadaba! Hairiba tunggi asha asi soidana oithokkani haina eikhoina karamna thajaba yaribano? Masi thajaba yai maramdi mamangeida meeoi kaya hinggathankhibagi praman Bibleda yaori. Hinggatkhibasingdugi marakta angangsu ahalsu yaori. Aduga makhoina hinggatlaba matungda makhoigi imung manunggi meeoisingga punna leiminnakhi. Jishunasu meesinggi mitmangmaktada sikhraba meeoi kaya hinggathankhi. —Luke 8:49-56; Johan 11:11-14, 38-44.