• Ishwor masamakna khanbani. “Eina eigi ningthou haple . . . eina jatisingbu nahakki phangpham thokpa oina nangonda pibigani, nahakki saruk oinaba malemgi aroiba phaoba pibigani.”—Thagat Ishei 2:6, 8.

• Israyelgi Ningthou Davidki yumlepchara ama oigani. “Eikhoida angang ama pokle, eikhoida macha nipa ama pibire, . . . Davidki phambanda amasung mahakki ningthou leibakta, mahakki leingak sashan amasung ingthaba hengatpagi aroiba leiroi, . . . leibak mara taphannaba amasung lingkhatnaba.”—Jishaiya 9: 6, 7.

• Betlehemda pokkani. “Hey Betlehem . . . nangondagi . . . leingakpa oigadaba mee ama eigidamak thoklakkani, . . . Mahak malemgi aroiba phaoba chaogani.”—Micah 5:2, 4.

• Meesingna usit thouoibiroi amasung makhoina mahakpu hatkani. “Mahakpu usit thouoibidre, eikhoina mahakpu ikai khumnabidre . . . Eikhoigi langjabagidamak mahakpu sokhankhi, eikhoigi ayol arangidamak mahak pophankhi.”—Jishaiya 53:3, 5.

• Siraba matungda amuk hanna hinggatlakkani amasung matik mangan chaohangani. ‘Nahakna eibu khamnung leibakta langthokpiroi, nahakki asengba mahakpu nahakna amangba uhanbiroi . . . Nahakki yet thangba khutta matam pumnamakki nungaiba lei.’—Thagat Ishei 16:10, 11.

Meeoibagi puwarida khwaidagi matik chaba Ningthousi kanano hairabadi Jishu Christa khaktani. Tasengna, sargadut amanasu Jishugi mama Maryda hairammi: “Ishworna mangonda mapa Davidki phamban pibigani . . . Aduga mahakki Ningthou leibak adu lomba nairoi.”—Luke 1:31-33.

Jishuna prithibida hinglingei matamda ningthou oiramde. Adubu mahakna sargadagi Ishworgi Ningthoukleibakki Ningthou oiduna meeoibasinggi mathakta pangani. Jishubu khwaidagi matik chaba Leingakpani haibasi karamna haiba yaribano? Mahakna prithibida leiringeida tourambasing adu khannaraga yengsi.

•   Jishuna meesinggidamak khanbikhi. Mahakna nupa, nupi, ahal, naha, laira-inakkhunba khaidana pumnamakpu mateng pangbikhi. (Maathi 9: 36; Mark 10:16) Kusti thungba amana Jishugi manakta laktuna “nahakna yabirabadi, nahakna eibu senghanbiba ngammi” haina haijarakpa matamda, Jishuna mahakpu nungsiba pokladuna mahakki anaba adu phahanbirammi.—Mark 1:40-42.

• Eikhoina karamna Ishworbu pelhanba yagani haibadu Jishuna takpirammi. Mahakna hairammi: “Nakhoina Ishwor amasung senbu thougal touba ngamloi.” Meesingna eikhoida touhanningba pumnamak eikhoinasu makhoida tou hainasu mahakna khanghallami. Adugisu mathakta, eikhoina touthorakpa khakta nattana thamoida kari khalli nattraga phao-ee haibadusu Ishworna khangbi haina mahakna hairammi. Maram aduna eikhoina Ishworbu pelhange hairabadi eikhoigi thamoida kari khallibage haibadu cheksinba darkar oi. (Maathi 5:28; 6:24; 7:12) Asengba nungaiba phangnabagidamak Ishworna eikhoida kari touhanningbage haibadu khangnaba hotnaba amasung madu eikhoina illaga chatpa darkar oi haina Jishuna takpirammi.—Luke 11:28.

• Atoppasingbu nungsiba haibasigi artha karino haibadu Jishuna takpirammi. Jishugi waheising amasung thabaksingda matik magun yamna leirammi amasung taribasinggi thamoi youkhi. Aduna, Biblena asumna hai: “Meeyam aduna mahakki tambiba aduda ingak ngaklammi. Maramdi…matik leiba mee amagumna mahakna tambirammi.” (Maathi 7:28, 29) “Yeknabasingbu nungsiyu” haina mahakna makhoida takpirammi. Jishuna mahakpu hatpada chennaba meeoisinggidamaktasu Ishworda asumna haijakhi: “Ipa, makhoibu kokpiyu; maramdi makhoina kari touriba makhoina khangde.”—Maathi 5:44; Luke 23:34.

Jishuna meesingbu nungsi amasung makhoigi mateng pangi. Taibangpan asigi Leingakpa oibada khwaidagi matik chabadi mahakni. Adu oirabadi mahakna karamba matamdagi sashan touba houbage?