যেহোবানা অহান্বা নুপি, হৱাবু শেম্বিরম্মী, অমসুং মহাক্কী লোয়নবী ওইনা আদমদা পীবিরম্মী।—মৈহৌরোন ২:২১, ২২.

যেহোবানা মখোয়বু মপুং ফাবা পুক্নিং অমসুং হকচাংগা লোয়ননা শেম্বীখি। মখোয়দা অশোয়বা লৈরমদে।

মখোয়গী পারাদাইসকি ময়ুমদু ইদেনগী লৈকোলদুনি। লৈকোলদু তুরেলশিং, উহৈ পাম্বীশিং অমসুং শা উচেকশিং লৈবা য়াম্না ফজরবা মফম ওইরম্মী।

যেহোবানা মখোয়দা ৱা ঙাংলম্মী। মহাক্না মখোয়বু তম্বীরম্মী। যেহোবানা হায়বা তারম্লবদি মখোয় লোম্বা নাইদনা পৃথিবীগী মথক্তা পারাদাইস্তা লৈরমগনি।

স্বর্গদুত অমখক্না ঈশ্বরগী মাইয়োক্তা থবক তৌরম্মী। মদুগী ফৎত্রবা স্বর্গদুত অদু সৈতাননি।

যেহোবানা আদম অমসুং হৱাদা লৈকোলদুগী মনুংদা উহৈ পাম্বী অমা উৎলদুনা হায়রম্মী মদুদি মখোয়না মদুদগী চারবদি মখোয় শিগনি।

আদম অমসুং হৱানা ঈশ্বরগী য়াথং ইন্বা সৈতান্না পাম্লমদে। মরম অদুনা মহাক্না লিন অমা শিজিন্নরগা হৱাদা হায়হল্লম্মী মদুদি উহৈ অদু চাবদা মহাক শিরোই, তৌইগুম্বসুং মহাক ঈশ্বরগুম্না ওইরক্কনি। অশেংবমক্তি মদু মীনম্বনি।—মৈহৌরোন ৩:১-৫.