১৭. ঈশ্বরদা হায়জবগী খুদোংচাবা
১ ঐখোয়না যেহোবাদা হায়জবদু মহাক্না তানিংই
“যেহোবাবু কৌজবা পূম্নমক্তা, মহাকপু অচুম্বদা কৌজবা পূম্নমক্তা মহাক্তি নক্না লৈ।”—থাগৎ ঈশৈ ১৪৫:১৮
ঐখোয়না হায়জবদু ঈশ্বর যেহোবানা তাবীনবা করি তৌগনি?
-
ঈশ্বরদা থাজগদবনি।
-
ঈশ্বরদা নোল্লুকপা অমসুং ইকায়খুম্নবা উৎচগদবনি।
-
ঐখোয়না ঈশ্বরদা হায়জরিবশিং অদুগা চান্ননা থবক তৌগদবনি।
-
ঈশ্বরদা ঐখোয়না থম্মোয়শেংনা হায়জগদবনি। ঐখোয়না হায়জবা মতমদা চপ মান্নবা ৱাহৈশিং হঞ্জিন হঞ্জিন হায়রোইদবনি।
-
ঈশ্বরনা পাম্বা মওংদা হিংগদবনি।
২ ঈশ্বরদা হায়জবগী মরমদা তোয়না হংবা ৱাহংশিং
ঐখোয়না কনাদা হায়জগদবনো?
ঈশ্বরদা হায়জবা মতমদা অখন্নবা মওং অমদা লেপকদবনি নত্রগা ফমগদবনি হায়বা লৈব্রা?
ঐখোয়না খোঞ্জেল থোক্তনা হায়জবা মতমদসু যেহোবানা তাবীব্রা?
ঈশ্বরদা হায়জবা মতমদা, কয়াম শাংনা হায়জগনি?
ঈশ্বরদা কয়াম তোয়না হায়জবা য়াবগে?
ঐখোয়না ঈশ্বরদা হায়জবা লোইশিল্লকপদা “আমেন” হায়রিবা করিগীনো?
৩ ঈশ্বরদা হায়জবা য়াবশিং
“ঐখোয়না মহাক্কী নীংবা মতুংইন্না করিগুম্বা অমা নিজরবদি, মহাক্না ঐখোয়গী নিজবা অদু তাবি।”—১ যোহান ৫:১৪
ঈশ্বরদা হায়জবা য়াবা করি করি লৈবগে?
-
যেহোবাগী অনীংবা ওইরক্নবা হায়জবা য়াই।
-
যেহোবাবু থাগৎচবা য়াই।
-
ইশাগী লাঙতক্নবা কয়াগী মরমদা হায়জবা য়াই।
-
মহাক্কী অশেংবা শক্তি পীবিনবা হায়জবা য়াই।
-
অচুম্বা ৱারেপ লৌজবা ঙম্নবগী লৌশিং নিজবা য়াই।
-
খাঙবা ঙম্নবগী পাঙ্গল নিজবা য়াই।
-
ঐখোয়গী পাপশিং কোকপিনবা হায়জবা য়াই।
-
অতোপ্পশিংগীদমক ঈশ্বরদা হায়জবা য়াই।
৪ ঐখোয়না হায়জবশিংগী পাওখুম যেহোবানা পীবি
“হে হায়জবা তাবিবা নহাক, নঙোন্দা মী পূম্নমক লাক্কনি।”—থাগৎ ঈশৈ ৬৫:২
ঐখোয়না হায়জবশিংগী পাওখুম যেহোবানা করম্না পীবগে?
-
যেহোবানা ঐখোয়গী মতেং পাংনবগীদমক স্বর্গদুতশিং নত্রগা মীওইবশিং শিজিন্নবা ঙমই।
-
মহাক্কী অশেংবা শক্তিনা ঐখোয়বু মতেং পাংই।
-
ঈশ্বরনা ঐখোয়দা খাঙবা ঙম্নবা পাঙ্গল অমসুং ঈংথবা পীবি।
গালাতীয়া ৬:১; ২ তীমোথি ৩:১৬, ১৭
বাইবল অমসুং শীংলুপকী খুত্থাংদা মহাক্না ঐখোয়দা লৌশিং পীবি।
