“অশিবশিংনা করি অমতা খঙদে।”—পাউ শন্দোকপা ৯:৫

ঐখোয়না শিবা মতমদা করি ফিভম ওইবগে?

• থাগৎ ঈশৈ ১৪৬:৩, ৪; পাউ শন্দোকপা ৯:৬, ১০

  শিরবা মতমদদি ঐখোয়না ৱাখল খনবা, উবা, নত্রগা তাবা অমত্তা ঙমদ্রে।

• যোহান ১১:১১-১৪

  যীশুনা শিবা হায়বসি তুম্বগা চাংদম্নৈ।

“অদুবু অফ-ফত্ত খঙনবা উপালগী মহৈদি নহাক্না চাগনু, মরমদি মদু চারুবা নুমিৎ অদুদা নহাক শোয়দনা শিগনি।”—মৈহৌরোন ২:১৭

ঐখোয় করিগী শিরিবনো?

• মৈহৌরোন ৩:১-৬

  ঈশ্বরগী য়াথং ইন্দবা মতমদা করিসু শিরোই হায়না সৈতান্না হৱাদা মীনম্বা ঙাঙখি। আদম অমসুং হৱানা ঈশ্বরনা হায়বা ইনখিদে। মখোয়না পাপ তৌখিবা মরমনা, অকোনবদা মখোয় শিবা নংখি।

• মৈহৌরোন ৩:১৯

  আদমনা শিবা মতমদা, মহাক্কী পুন্সিসু পুঙলোই লোইখ্রে।

• রোমীয় ৫:১২

  পাপ হায়বসি ঐখোয়গী অহানবা ইমা-ইপাদুদগী থঙথরকপা শাথিবা লায়না অমগুম্বনি। মী খুদিংমক পাপ চেনবা ওইনা পোক্লকই। মরম অসিনা ঐখোয় খুদিংমক শিরিবনি।

• ১ কোরিন্থীয়া ১৫:২৬

  শিবা হায়বসি য়েক্নবা অমনি হায়না বাইবলনা হায়রি।

“করিগুম্বা তাইবং মীনা শিরবদি, মহাক অমুক হন্না হিংগদ্রা? ঐগী অহোংবা লাকত্রিবা ফাওবা . . . ঐনা ঙাইজগনি।”—যোব ১৪:১৪

শিবগী মরমদা অচুম্বা খঙবনা, করম্না ঐখোয়দা লৈরম্বা অরানবা ৱাখল্লোন কোকহনবগে?

• ১ যোহান ৪:৮

  নোরোক্তা মীশিংবু লাক্নৈ হায়না তম্বীবসিনা যেহোবাগী মিংচৎ থীহল্লি। মহাক্না কৈদৌঙৈদা মীশিংবু অদুগুম্বা মওংদা অৱাবা পীরোই।

• ফোংদোকপিবা ৪:১১

  মী অয়াম্বনা অশিবশিংবু কিনৈ। মরমঅসিনা, মখোয়না যেহোবাবু নীংজবগী মহুত্তা শিখ্রবশিংবু কিদুনা নীংই। অদুবু ঐখোয়না নীংজগদবদি যেহোবা খক্তনি। মরমদি মহাক খক্তনা অশেংবা ঈশ্বরনি।