যেহোবানা আদম অমসুং হৱাবু পারাদাইস্তা লোম্বা নাইদনা লৈননবগী আশাগা লোয়ননা শেম্বী। ঈশ্বরগী মীংগী মরমদা ফত্তবা কয়া সৈতান্না হায় অমসুং ঈশ্বরনা শাসন তৌবগী হক লৈব্রা হংঙই। আদম অমসুং হৱানা সৈতানগী তুং ইল্লি অমসুং ঈশ্বরগী মাইয়োক্তা লৈ। মদুগী ফল ওইনা মখোয় অমসুং মখোয়গী মচা-মশুশিং পাপ চেনখি অদুনা শিবা হৌরকখি

যেহোবানা মহাক্কী মাইয়োক্তা লৈবশিংবু দন্দি পী। মহাক্না কন্বিবা মীশক নত্রগা ধারা অদু শিজিন্নরগা সৈতান্বু মাঙহনগনি হায়না ৱাশকখি। মদুগী ফল ওইনা পাপ লৌথোকপিগনি

যেহোবানা অব্রাহাম অমসুং দেবিদপু ধারা নত্রগা মশীহগী মপা-মপু ওইহনগনি হায়না ৱাশকপী। মশীহ অসিনা লোইবা নাইদনা নিংথৌ ওইনা পানগনি

যেহোবানা ইথিল পীবিরবা ঈশ্বরগী ৱা তাকথোকপশিংনা মশীহনা পাপ অমসুং অশিবা লৌথোকপিগনি হায়না মাংজৌননা হায়। মহাক্না ঈশ্বরগী নিংথৌ লৈবাক্কী নিংথৌ ওইনা মহাক্কা শাসন তৌমিন্নগদৌরিবশিং অদুগা পানমিন্নগনি। নিংথৌ লৈবাক অসিনা লান, অনাবা অমসুং অশিবা লৈহল্লরোই

যেহোবানা মহাক্কী মচানুপাবু পৃথিবীদা থারকই অমসুং যীশুবু মশীহ অদুনি হায়দুনা শক্তাকই। যীশুনা ঈশ্বরগী নিংথৌ লৈবাক্কী মরমদা পাউ শন্দোকই। অদুদগী যেহোবানা মহাকপু আত্মা ওইনা হিঙ্গৎহল্লি

যেহোবানা মহাক্কী মচানুপাবু স্বর্গগী নিংথৌ ওইনা হাপখিবা অদুনা ঙসিগী চৎনরিবা নিয়ম- নিতিশিং অসিগী অরোইবা অদু হৌরে হায়বগী খুদমনি। পৃথিবীদা লৈরিবা মহাক্কী তুংইনন্বশিংনা পৃথিবী শীন্বা থুংন ঈশ্বরগী নিংথৌ লৈবাক্কী পাউ শন্দোকপদা যীশুনা লমজিংই

যেহোবানা মহাক্কী মচানুপাবু নিংথৌ লৈবাক্কী শাসন পৃথিবীদা পুরকন্বা শিল্লি। নিংথৌ লৈবাক অদুনা ফত্তবা সরকার খুদিংমক মাঙহল্লি, পারাদাইস শেম্মি অমসুং থাজবদা লৈবা মীওই খুদিংবু মপুংফাবা মী ওইহনলি। যেহোবানা অচুম্বা শাসন তৌগদৌবা মপুনি হায়বসি প্রমান ফংলে অমসুং মহাক্কী মীংবু মতম পুম্নমক্কী ওইনা শেংহল্লে