Karta Noobajha nlebiwe ni Juwawu 1:1-10
1 Yeyo okuma omambelelo niwalihu, nonilihu nimentwihu ni nipanrihu nimadihu wodhela ndhu nnavaha eegumi
2 (hee, egumi yohimala nihaddeliwa vano iyo woona, bumwahaya nigavaha onamoona ni niguwaddelani, egumi yohimala ela naddeliwihu enadhela wa Ababa),
3 dhithu nonilihu ni niwalihu sidhendho nnuwaddelihuni wihina mukale mwimodhani ni iyo. Woona wihina iyo nili mwimodhani ni Ababe vamodha ni mwanaye Yesu Kiristu.
4 Nihulebelani dhithu ndha wihina ohagalala wehu wakwanele.
5 Muthenga niwalihu ni Yesu ni nnuwaddelihuni buula: Mulugu waara ni kanna yiihi.
6 Akala nnowoga negihina: “Nili mwimodhani nuliye,” mbwenye nnodidelave weedda muyihini, nili aliba woota ni kannerana dhithu dhebaribari.
7 “Mowindo, akala nnowedda mowaara ninga oliye aliye mowaarani, nili mwimodhani mmodha ni mukwaye teto nikame na Mwanaye Yesu, nnonitxeniha dhothega dhehu dhatedhene.
8 “Nawoga negihina: “Kaninna yothega,” nnowileketha teto ebaribari kili ni iyo.
9 Mulugu dororomeleya ni dowogowa * bumwahaya namwaddela dhothega dhehu oliye ononilevelela ni anere otxeniha ohogowa wehu watewene.
10 Nawoga negihina: “Kaninna yothega”, nnamoona Mulugu ninga muliba woota teto madhu aye kili ni iyo.
News
Português
17/02/2014
Notícias
Manyawa
Liberado
Manyawa
Pendente
(ID#513700)
Dhopadduwa
^ Obe: “dapama.”
