Korintiyu oobajha 13:1-13
-
Odhivela fuwinlubale (1-13)
13 Naarive miyo giwogaga dhiwogelo dhaathu ni dha angero, mbwenye gihikanna odhivela, gili ninga ntxalima nnanyagula obe mugogo onanyagula ebewene.
2 Akala gihikanna gari yovuhulela ni yononelamo dhoviteya dhotaleleya ni enonelo yaatene teto gikanna nroromelo nnanda obwanyula mwango, mbwenye gihikanna odhivela, kagili ethu.
3 Galeva dhoreela dhaaga dhaatedhene wi gaavahe dhoojha athu amodha, gapeleka mwiili waaga wihina gooneliwegemo, mbwenye gihikanna odhivela kagerilevo ethu.
4 Odhivela winoovilela ni fwapama. Odhivela kunna ajhe. Kunifuniha, kunithukula,
5 kunapujha, kunaveda dhofuna dhewa, kunanyanyuwa bure-bure. Kunna ntxiga.
6 Kunahagalala nuubure, mbwenye winahagalala ni ebaribari.
7 Onowanana dhaatedhene, onorumedha dhithu dhaatedhene, onojheha dhithu dhaatedhene, onovilelana dhithu dhaatedhene.
8 Odhivela kunamala. Mbwenye gari yovuhulela, yowoga dhiwogelo dhohiyana-iyana ni ya enonelo Mulugu anaavahiye athu, enere omala.
9 Iyo kaninna enonelo yaatene teto kannavuhulela mowakwana,
10 mbwenye yadha ele eli yowakwanela yohakwanela eneere omarihiwa.
11 Mudhidhi ngali mwaana, gawoga ninga mwaana, gubuwela ninga mwaana, goonelamo dhithudha ninga mwaana; mbwenye vano gunnuwilimi gihiya dhikalelo dheehima.
12 Mwaha ovanene, nnoona vang’ono ekalaga ninga nnalabihedha espelyu na mujhila, mbwenye namala nnere woona pamadhene ekalaga ninga nnamoona muthu kove ni kove. Ovanene vala miyo ginonne vang’ono, mbwenye gamala ginere onona pamadhene, ninga miyo ginoniwimi pamadhene.
13 Mbwenye vano, dhihanlewo dhithu tharu baahi: nroromelo, ejhehedhelo, odhivela; mbwenye yinlubaleya fudhivela.
News
Português
17/02/2014
Notícias
Manyawa
Liberado
Manyawa
Pendente
(ID#513700)
Dhopadduwa
