Korintiyu oobajha 8:1-13
8 Vano, wodhela dhoojha dhinavahiwa dhikwamuthu: iyo aatene nihinona wihina nihikanna enonelo. Teto enonelo enomweriha muthu okala owithukula, mbwenye odhivela winoolibiha.
2 Naarive muthu awogaga egi: eyo miyo gihinona, kanonne mowakwana.
3 Mbwenye akala muthu ohumunona Mulugu, Mulugu ohumunona muthu yoyo.
4 Wodhela muselu woojha dhithu dhinavahiwa dhikwamuthu, nihinona wihina mwilaboni dhikwamuthu kadhinna mabasa, teto kawo Mulugu ahili mmodha baahi.
5 Naarive odhulu obe elabo yavati egaaliwo ale enithaniwa amulugu, mowindala ehikalawo “amulugu” owinjhiva ni “anabwiya” owinjhiva
6 wa iyo, aliwo Mulugu mmodha baahi, yoyo ali Baabi winadhela dhithu dhaatedhene, teto iyo nnakalawo mwaha wa oliye; ni aliwo Nabwiya mmodha baahi Yesu Kiristu, wa oliye widhele dhithu dhatedhene, teto iyo nihikalawo mwaha wa oliye.
7 Naarive dhigaali ndo, kahi wera athu aateene ehikanna enonelo eyo. Mbwenye mwaha athu amodha olemeela weebedha dhikwamuthu ofiyedha peeno, yajhaga dhoojha enoona ninga dhithu dhikutheliwe mukutho dhikwamuthu, teto mubuwelo wewa wolodhowa * onowatoriha.
8 Mbwenye yojha kinanaaddameliha ni Mulugu; naarive nihijhe kannayelela ethu, teto naarive nijhe kannapuravo ethu.
9 Pole-pole wihina ofuru wawo wosakula onadha wakwakwathusena athu amodha enna mubuwelo wolodhowa.
10 Muthu oolodhowa mubuwelo uwoona we onna enonelo ojhaga mutempulu munebedhiwa dhikwamuthu, kunamuthukulele muthu yoyo waviriganiha malamulo a mubuwelo waye mwaha ojha dhithu dhinavahiwa dhikwamuthu?
11 Mowindala, enonelo onniwena enna ononga nroromelo na ole ali oolodhowa, ddibilo Kiristu amukweliye.
12 Mwaathegelaga ndo addibilinyu ni mwakongomedhaga werana dhithu mubuwelo wewa wahinawenyiwa, munna omuthegela Kiristu.
13 Bumwahaya, akala yoojha ginajhimi enomukwakwathusa ddibilaga, ginere oselela ojha nyama wihina gahimukwakwathusena ddibilaga.
News
Português
17/02/2014
Notícias
Manyawa
Liberado
Manyawa
Pendente
(ID#513700)
Dhopadduwa
^ obe: “yahinna nroromelo nooliba.”
