Karta nanabiili nlebiwe ni Juwawu 1:1-13
1 Miyo mulobwana owuluvala* muhiyana oosakuliwa ni anaayeya, yayo mwebaribareene ginadhivelimi teto kahi miyeneve mbwenye aatene yaale enonile ebaribari
2 mwaha wa ebaribari eli ni iyo ni enaakale ni iyo nimukalakala.
3 Opama wohinifwanelela, thagaraga ni murenddele wa Mulugu, Baabi vamodha ni Yesu Kiristu, Mwaana a Baabi, ebaribari ni odhivela, onaakale ni iyo.
4 Miyo gihagalala vanlubale onona wihina anaawo amodha enna weedda mwibaribarini, mowindala ninga nawakenlihu malamulo enadhela wa Baabi.
5 Vano muhiyanawe, ginuloba wihina ndhivelanege mmodha ni mukwaye. (Nlamulo nna ginulebelimi kahiyo nixa mbwenye nivahiwe kale.)
6 Odhivela onatapulela: odidela wawiwelela malamulo aye. Nlamulona thinenna ninga mwiwalinyu okuma omambelelowene: nyu mudhowegeve mweddaga nuudhivela.
7 Mwaha anamaleketha owinjhiva enere okumelela mwilaboni, athu yayo yahinarumedha wihina Yesu Kiristu abaliwe omwiilini. Aliwa athu oleketha ni enamwidda Kiristu.
8 Mukale pasope wihina mabasa naapanrihu vamodha, enaadhe enongeye yamala yahivahe yowima, ohiya eyo, mwawakele mareeliho.
9 Muthu yoole anaalupa manddile ni dhohudhiha dha Kiristu, kamunonne Mulugu. Mbwenye ole anahara dhohudhiha ndha daanonne Ababa ni Mwaanaya.
10 Muthu yoole anaadhe vadevinyu ahidhana dhohudhiha ndha, munamwakele newene munamulojhele.
11 Mwaha ole anamulojhela anna omukavihera mabasaye abure.
12 Naarive nganna dhithu dhowinjhiva dhowulebelani, kaginafuna wulebelani vapapelini ni tinta mbwenye ginoojheha ogumana ni nyu kove ni kove wihina niwoge vamodha, vano ohagalala weenyu wakwanele.
13 Ahima a murogoliyo ole asakuliwe, enowaaruma malojhelo.
News
Português
17/02/2014
Notícias
Manyawa
Liberado
Manyawa
Pendente
(ID#513700)
Dhopadduwa
^ Obe: “namaholela.”
